Tushingizda Rasululloh ﷺni ko‘rishni xohlaysizmi?
Bismillahir Rohmanir Rohiym.
Alloh taologa bitmas-tuganmas hamdu sanolar bo‘lsin.
Payg‘ambarimizga mukammal va batamom salavotu durudlar bo‘lsin.
اللَّهُمَّ صَلِّ عَلَى سَيِّدِنَا مُحَمَّدٍ عَبْدِكَ وَ نَبِيِّكَ وَ حَبِيبكَ وَ رَسُولِكَ النَّبِيِّ الْأُمِّيِّ وَعَلَى آلِهِ وَصَحْبِهِ وَسَلَّمْ
Allohumma solli ’ala sayyidina Muhammadin ’abdika va nabiyyika va habibika va Rasulikan Nabiyyil ummiyyi va ’ala alihi va sohbihi va sallim («Al-ad’iyatul-voridatu fil-ayatil karimati val-ahadisish sharifah», 61-bet).
Ma’nosi: Allohim! Bizning sayyidimiz, Sening bandang, payg‘ambaring, habibing va ummiy nabiy bo‘lmish Rasuling hazrati Muhammadga va ul zotning oilalari (ahli)ga va sahobalariga salotu salom yog‘dir!
«Rasulihin nabiyyil umiyyi...» («Uning ummiy Payg‘ambari bo‘lgan Rasuliga») degan ibora Qur’oni Karimning A’rof surasi, 158-oyatida, yana Ankabut surasi, 48-oyatida kelgan. Bu salavot juda savobli salavotlardan hisoblanadi.
Orif Abul Abbos al-Marisiydan naql qilinadi: «Kim bu salavotni bir kecha-kunduzda besh yuz marta o‘qishda bardavom bo‘lsa, tushida hazrati Payg‘ambar sollallohu alayhi vasallamni ko‘rmagunicha vafot etmaydi.
«Eng go‘zal salavotlar» risolasidan
Qashqadaryoda 100 nafar o‘quvchiga maktab qurollari sovg‘a qilindi
Yangi o‘quv yili va mustaqilligimizning 35 yilligi arafasida Qashqadaryo viloyatida yana bir xayrli tashabbus amalga oshirildi.
O‘zbekiston musulmonlari idorasi viloyat vakilligi va saxovatpesha yurtdoshlarimiz hamkorligida Qarshi shahridagi 100 nafar ehtiyojmand oila farzandiga yangi o‘quv qurollari to‘plamlari beg‘araz topshirildi.
Qo‘lida yangi portfel va kitob-daftar tutgan jajji o‘quvchilarning yuzidagi samimiy tabassum va quvonch bu ezgu ishning naqadar qadrli ekanini ko‘rsatdi. Zero, ilm istagan qalbga qanot bo‘lish — eng ulug‘ savoblardandir.
Tadbir yakunida xayriyada hissa qo‘shgan barcha saxovatpesha insonlar haqiga duolar qilindi.
O‘zbekiston musulmonlari idorasi
Matbuot xizmati
