Diniy idora tizimidagi huquqshunoslar malakasi oshirildi
Mamlakatimizda davlat organlari va turli tashkilotlarni malakali huquqshunos kadrlar bilan ta’minlash, yuridik xizmat xodimlarining kasbiy tayyorgarligini yuksaltirish hamda ularni qayta tayyorlashni tubdan yaxshilash masalasiga jiddiy e’tibor qaratilmoqda.
Shu munosabat bilan O‘zbekiston musulmonlari idorasining hududiy vakilliklari yuristlari uchun mehnat qonunchiligidagi so‘nggi yangilik va muhim mavzularga bag‘ishlangan bir xaftalik malaka oshirish kursi tashkil etildi.
Qisqa muddatli malaka oshirish davomida “Yurist va kadr” nodavlat ta’lim muassasasining malakali o‘qituvchilarining sohaga doir ma’ruzalari tinglandi.
Shuningdek, huquqshunoslarimiz o‘zlarini qiziqtirgan savollarga atroflicha javob oldi.
O‘zbekiston musulmonlari idorasi
Matbuot xizmati
Diniy ta’lim sohasida ilk bor Respublika anjumani bo‘lib o‘tadi
Joriy yilning 19-20 avgust kunlari O‘zbekiston musulmonlari idorasi tasarrufidagi oliy va o‘rta maxsus diniy ta’lim muassasalari professor-o‘qituvchilarining «Zamonaviy diniy ta’lim: pedagogika, ilm-ma’rifat va innovatsiya» nomli I ilmiy-amaliy anjumani Islom sivilizatsiyasi markazida bo‘lib o‘tadi.
Davlatimiz Rahbari tomonidan har jabhada olib borilayotgan yangilanish va islohotlarga hamohang tarzda Diniy idora tarixida ilk bor o‘tkazilayotgan ushbu tadbirda jami 700 nafar pedagog va soha mutaxassisi, jumladan, 300 nafar ishtirokchi bevosita anjuman zalida, 400 nafar ishtirokchi esa hududlardan videoselektor orqali qatnashadi.
Anjumandan ko‘zlangan maqsad sohadagi istiqbolli rejalarni muhokama qilish, diniy ta’limda pedagogik va kasbiy mahoratni oshirish, ta’lim jarayoniga zamonaviy texnologiyalarni yanada keng tatbiq etish hamda diniy ta’limni yangi bosqichga olib chiqishdir.
Dastur doirasida soha rahbarlari ishtirokida tahliliy ma’ruzalar, taniqli professorlar tomonidan mahorat darslari, ilmiy-metodik mashg‘ulotlar bo‘lib o‘tadi. Shuningdek, ishtirokchilar O‘zbekiston musulmonlari idorasi, Islom sivilizatsiyasi markazi bilan yaqindan tanishib, Hazrati Imom majmuasidagi tarixiy qadamjo va obidalarni ziyorat qilishadi.
O‘zbekiston musulmonlari idorasi Matbuot xizmati