Sayt test holatida ishlamoqda!
18 Mart, 2025   |   18 Ramazon, 1446

Toshkent shahri
Tong
05:12
Quyosh
06:30
Peshin
12:36
Asr
16:45
Shom
18:36
Xufton
19:49
Bismillah
18 Mart, 2025, 18 Ramazon, 1446

Safarga oid ahkom va odoblar

08.11.2024   5700   1 min.

 

Yahyo domla Ubaydulloh o'g'li,
Olmazor tumani ''Imom at-Termiziy'' jome masjidi imom xatibi

00:00 Kirish
00:35 Juma bilan tabriklash haqida
2:09 Safarning bir necha turlari bor
05:59 Safardagi tafakkur va undagi foydalar
12:11 "Hatto go‘rimda ham qo‘shni qilmasin"
14:58 Tijorat maqsadidagi safar
16:56 Safar qiling va kazzoblarni oqibatini eslang!
23:59 Safarda ko‘zlanadigan ishlar
26:00 Safarga tegishli masalalar
32:40 Safardagi namoz, rahbar va mahram bilan chiqish masalasi

Boshqa maqolalar
Maqolalar

Ramazon – ezgu amallar musobaqasi!

17.03.2025   1558   3 min.
Ramazon – ezgu amallar musobaqasi!

Alloh taolo bunday marhamat qiladi: «Allohga “qarzi hasana”   (Uning yo‘lida ehson) qiladigan kishi bormiki, (U) o‘sha (kishi)ga bir necha hissa ziyodasi bilan qaytarsa! Uning uchun yana yaxshigina mukofot ham bordir» (Hadid surasi, 11-oyat).
 

Abu Musodan, u kishi otalaridan, u kishi esa bobolaridan rivoyat qilingan hadisi sharifda Payg‘ambarimiz Muhammad sollallohu alayhi vasallam: “Har bir musulmonning zimmasida sadaqa bor”, deganlar.


Ramazon – yaxshilik qilish va ezgu amallarda musobaqalashish, saxovatpesha insonlar uchun esa imkoniyat oyidir. Allohning roziligi va savobini orzu qilganlar uchun bebaho fursatdir. Rasululloh sollallohu alayhi vasallam bunday deganlar: “Har bir kishi Qiyomat kuni o‘z sadaqasining soyasi ostida bo‘ladi. Toki odamlar orasida unga nisbatan hukm chiqarilguncha” (Ibn Hibbon va Hokim rivoyati).


Arab shoirlaridan biri bunday yozgan:

Maxfiy va oshkora tarzda sadaqa beruvchi bo‘l,

Qo‘ling bilan qilgan yaxshilik senga soya bo‘lib qaytsin.

Baxillik qilma, saxiy va ehson qiluvchi bo‘l,

Odamlar qiyinchilikka tushganida, ularga ko‘makchi bo‘l!.
 

Ushbu satrlarda yaxshilik va ehson yo‘lida musobaqalashish hamda muhtojlarga yordam berish, sadaqa qilish, ochlarni to‘yg‘azish, kambag‘allarga saxovat ko‘rsatish, xayrli loyihalarga homiylik qilish va ezgulikka hissa qo‘shish kabi ezgu amallarga targ‘ib qilinadi.
 

Taniqli ulamolardan biri shayx Ali Tantoviy o‘zining “Odamlar orasida” nomli kitobida bunday yozadi:
 

Agar siz ixtiyoriy ochlikni his qilsangiz, majburiy ravishda ochlik azobini tortayotganlarni eslang va Robbingiz bergan ne’matlar uchun shukr qiling.
 

Zero, shukr faqat tilda ming marta “Alhamdulillah” deyish emas, balki boy inson kambag‘allarga saxovat ko‘rsatishi, kuchli inson esa zaiflarga yordam berishi bilan namoyon bo‘ladi.

 

Ramazon oyida xayrli ishlarga shoshiling:

Yetim va muhtojlarga g‘amxo‘rlik qiling.

Ro‘zadorlar uchun iftorlik uyushtiring.

Masjidlar va xayriya loyihalariga hissa qo‘shing.

Qarzdan aziyat chekayotganlarning og‘irini yengillating.

Kasallar va muhtoj oilalarga yordam bering.


 Bu ishlar Alloh bilan qilingan savdodir, uning zaxirasi Rahmon bankida hech qachon tugamaydi. Chunki Alloh taolo Qur’oni karimda bunday degan:


“Sizlarning huzuringizdagi narsalar tugab ketur. Alloh dargohidagi narsalar esa boqiydir” (Nahl surasi, 96-oyat).


Ey baxtli insonlar! Muhtojlarga yaxshilik qiling, kambag‘allarga saxovat qiling, qiynalganlarning ko‘z yoshlarini artib, yer yuzidagi insonlarga rahm-shafqatli bo‘ling, shunda sizlarga Yaratgan parvardigor rahm qiladi.


Xususan, muborak Ramazon oyida saxovatli bo‘lishga intiling, chunki Payg‘ambarimiz sallollohu alayhi vasallam aytganlar: “Eng afzal sadaqa – Ramazonda berilgan sadaqadir” (Termiziy rivoyati).


Allohdan so‘raymizki, bizga so‘zda rostgo‘ylik, amalda ixlos, yaxshilikka muhabbat, yomonlikdan uzoqlashish, ezgu niyatda bo‘lish va ibodatlarimizni qabul bo‘lishini muyassar aylasin. Albatta, U duolarni eshituvchi va ijobat qiluvchi Zotdir.


Doktor Solih bin Ali Abu A’rrodning

“Ramazon maktublari” kitobidan

Ilyosxon Ahmedov tayyorladi.

O'zbekiston yangiliklari