Ikkinchi duo:

«Bizga Allohning O‘zi kifoya, U Zot naqadar yaxshi vakil!» (Oli Imron surasi, 173-oyat).

Mushriklar Ibrohim alayhissalomni olovga uloqtirganida u zot shunday duo qilganlar. Alloh taoloning irodasi bilan olov Ibrohim alayhissalomni kuydirmadi, salomat saqladi, u zotga hech qanday ozor yoki zarar yetmadi. U zot dahshatli gulxan ichidan sog‘-salomat chiqib keldilar.

Alloh taolo aytadi: «(Mushriklar) «Uni olovga tashlanglar! Qo‘lingizdan kelsa, ilohingizga yordam bering!» deyishdi. Biz esa «Ey olov, Ibrohim uchun salqin bo‘l, salomatlik bo‘l!» dedik. Ular unga (Ibrohimga) yomonlik qilmoqchi bo‘lishdi, Biz esa ularning o‘ziga eng katta ziyonni yetkazdik» (Anbiyo surasi, 68-70-oyatlar).

Abdulloh Abdulmu’tiy, Huda Sa’id Bahlulning
“Qulog‘im senda qizim” kitobidan G‘iyosiddin Habibulloh, Abdulhamid Umaraliyev tarjimasi.