Uchinchi duo:

«Menga katta zarar yetdi, rahmlilarning rahmlisi O‘zingsan!»

Ayyub alayhissalom ahli oilasidan, mol-dunyosidan ayrilib, og‘ir bemor bo‘lib qolganlarida shunday deb duo qildilar. Alloh u zotdan musibatni ketkazib, dardlariga shifo berdi, yana farzandlar ato etdi.

Alloh taolo aytadi:

«O‘shanda Ayyub Robbiga: «Menga katta zarar yetdi, rahmlilarning rahmlisi O‘zingsan!» deb nido qildi. Biz bu duoni ijobat qilib, unga yetgan zararni ketkazdik. Biz O‘z huzurimizdan rahmat, obidlarga eslatma o‘laroq unga ahli oilasini qaytarib, yana shuncha ato etdik» (Anbiyo surasi, 83-84-oyatlar).

Abdulloh Abdulmu’tiy, Huda Sa’id Bahlulning
“Qulog‘im senda qizim” kitobidan G‘iyosiddin Habibulloh, Abdulhamid Umaraliyev tarjimasi.