Imom-xatiblar tajribasi oshirilib, ehtiyojmand oilalar qo‘llab-quvvatlandi
Shu yil 9 noyabr kuni Qoraqalpog‘iston musulmonlari qoziyoti qozisi Bahramiddin Razovning boshchiligidagi qoziyot xodimlari, tumanlar bosh imomlari va hojilardan iborat guruh Nukus shahridagi “Imom eshon Muhammad”, “Shayx Muhammad Sodiq Muhammad Yusuf”, “Salmen eshon”, “Allahberdi Aziz”, “Muhammmad Baxiy eshon” va “Yerejep biy” masjidlarining ish faoliyatini o‘rganish, imom-xatiblar bilan tajriba almashish, ularga amaliy ko‘rsatmalar berish maqsadida tadbir tashkil qilindi.
Tadbirda masjidlar atrofidagi mahallalarda istiqomat qiluvchi notinch, yordamga muhtoj oilalar, nogironligi bo‘lgan fuqarolar holidan ham xabar olinib, ularga moddiy yordamlar berish ham belgilangan.
Bosh imomlar masjidlarda amalga oshirilgan tozalash, obodonlashtirish, kuz-qish mavsumiga tayyorgarlik ishlari, masjidlarda ish yuritish hujjatlari bilan tanishdi. Mazkur masjidlarda peshin namozidan so‘ng “Masjid odobi”, “Tinchlik va xotirjamlik – oliy ne’mat”, “Shukronalik» mavzularida maruzalar qilindi.
D.Bekanov,
Qoraqalpog‘iston musulmonlari qoziyoti xodimi
Anjuman qatnashchilari Islom sivilizatsiyasi markaziga sayohat qilishdi
Xabar berganimizdek, 19-20 avgust kunlari Islom sivilizatsiyasi markazida O‘zbekiston musulmonlari idorasi tasarrufidagi oliy va o‘rta maxsus diniy ta’lim muassasalari professor-o‘qituvchilarining «Zamonaviy diniy ta’lim: pedagogika, ilm-ma’rifat va innovatsiya» nomli I ilmiy-amaliy anjumani bo‘lib o‘tmoqda.
Bugun, 19 avgust kuni ishtirokchilar kutib olinib, ularning Islom sivilizatsiyasi markaziga sayohati tashkil etildi. Tashrif davomida mehmonlar markazning boy ekspozitsiyalari, Qur’oni karim zali, nodir qo‘lyozmalar hamda buyuk ajdodlarimizning ilmiy merosiga bag‘ishlangan bo‘limlar bilan yaqindan tanishdi. Ayniqsa, zamonaviy multimedia loyihalari va tarixiy eksponatlar ularda chuqur taassurot qoldirdi.
Ustozlar Markazda amalga oshirilayotgan keng ko‘lamli ishlar islom ma’rifatini targ‘ib qilish hamda yosh avlodni milliy-diniy qadriyatlarga hurmat ruhida tarbiyalashda muhim ahamiyat kasb etishini e’tirof etishdi.
Shuningdek, ishtirokchilar O‘zbekiston musulmonlari idorasida ham bo‘lishdi. Hazrati Imom majmuasidagi tarixiy qadamjo va obidalarni ziyorat qilishdi.
Oqshomda Islom sivilizatsiyasi markazi binosida ma’rifiy dastur – mapping namoyish qilindi.
Mazkur tadbirlar islom sivilizatsiyasi merosini targ‘ib etish, diniy ta’lim tizimini yanada takomillashtirib, yangi bosqichga olib chiqishda salmoqli hissa bo‘lib qo‘shiladi.
O‘zbekiston musulmonlari idorasi Matbuot xizmati
- «
- »