1. Yerni iflos qilmang

“Yerni (Alloh xayrli ishlarga) yaroqli qilib qo‘ygandan keyin (unda) buzg‘unchilik qilmang!” (A’rof surasi, 56-oyat).

2. Alloh poklikni yaxshi ko‘radi

Rasululloh sollallohu alayhi vasallam aytadilar: “Alloh pokizadir – pokizalikni sevadi”.

3. Axlat tashlamang!

Nabiy alayhissalom: “Uchta joyga: suv o‘zanlariga, serqatnov yo‘llarga hamda soya-salqin yerlarga axlat tashlab, la’natga qolishdan qo‘rqinglar”, deganlar.

4. Alloh kechirib yuboradi

Rasululloh sollallohu alayhi vasallam: “Bir odam yo‘lda yurib ketayotib tikanli bir shoxni ko‘rib, uni olib tashladi. Shunda Alloh uni taqdirladi va mag‘firat qildi”, dedilar.

5. Bu ham – sadaqa

Rasululloh sollallohu alayhi vasallam: “Yo‘ldan aziyat beruvchi narsani olib tashlashingiz ham – sadaqadir”, deganlar.

6. Qancha meva bo‘lsa shuncha savob

Nabiy alayhissalom: “Kim bir o‘simlik eksa va meva bersa, Alloh taolo uning mevasi adadicha (savob) beradi”, dedilar.

Davron NURMUHAMMAD