Xabaringiz bor, O‘zbekiston musulmonlari idorasi raisi, muftiy Shayx Nuriddin Xoliqnazar xazratlarining tashabbuslari bilan Respublikamizdagi masjidlarda faoliyat olib borayotgan imom-xatib va imom noiblarining Qur’on qiroati bo‘yicha bilim va ko‘nikmalarini yanada rivojlantirish maqsadida joriy yilning sentyabr oyida tajvid ilmi bo‘yicha o‘quv-amaliy mashg‘ulotlari boshlangan edi.

Mazkur o‘quv-amaliy mashg‘ulotlarining navbatdagisi shu yil 27 noyabr kuni Qoraqalpog‘iston Respublikasida faoliyat olib borayotgan imom-xatib va imom noiblar uchun Nukus shahridagi "Imom Eshon Muhammad" jome masjidida bo‘lib o‘tdi.

O‘quv mashg‘ulotida "Qur’on va tajvidni o‘rgatish" bo‘limi mudiri Shayx Alijon qori Fayzulloh Maxdum ham ishtirok etib, tinglovchilarga kerakli tavsiyalarni berdi.

Shu kunning o‘zida Nukus shahridagi "Muhammad ibn Ahmad al-Beruniy" madrasasida ham “Qur’on va tajvidni o‘rgatish” bo‘limi mudiri Shayx Alijon qori Fayzulloh Maxdum ishtirokida  talabalar bilan ilmiy suhbat bo‘lib o‘tdi.

Suhbat asnosida madrada talabalari Qur’on tajvidi borasidagi savollariga batafsil javob oldi.

O‘zbekiston musulmonlari idorasi

Matbuot xizmati