Shayx Muxammad Rotib Nobulisiy hafizahulloh aytadilar:

Agar Alloh siz bilan birga bo‘lsa, kim sizga qarshi bo‘la olardi.

Agar Alloh sizga qarshi bo‘lsa, kim siz bilan birga bo‘la oladi.

Agar Allohning muhabbatini qozonsangiz, nimani yo‘qotasiz.

Agar Allohning muhabbati sizdan uzoq bo‘lsa, unda nimani qo‘lga kiritasiz.

Allohning muhabbati orqali erishilgan natija, samara va yutuqlarning adadi hamda son-sanog‘i yo‘q. Masalan, agar Alloh sizni yaxshi ko‘rsa, U Zot odamlarning qalbida sizga bo‘lgan muhabbatni paydo qiladi. Odamlarning sizni yaxshi ko‘rishi bu bebaho ne’matdir.

Agar Alloh sizni yaxshi ko‘rsa, sizga hikmatni ato etadi. “Kimga hikmat berilsa, darhaqiqat, unga ko‘p yaxshilik berilibdir”.

Hikmat ato etilgan banda, shukr qiluvchi, qanoatli bo‘ladi.

Hikmat ato etilmagan banda esa noshukr, betoqat bo‘ladi.

Hikmat ato etilgan banda, ayoli itoatsiz bo‘lsa ham baxtli hayot kechiradi.

Ammo hikmat ato etilmagan banda esa, ayoli soliha, itoatgo‘y bo‘lsa-da baxtli bo‘la olmaydi.

Davron NURMUHAMMAD