Din – bu istiqomatingdir
Bismillahir Rohmanir Rohiym.
Alloh taologa bitmas-tuganmas hamdu sanolar bo‘lsin.
Payg‘ambarimizga mukammal va batamom salavotu durudlar bo‘lsin.
Din faqatgina namoz o‘qishing, ro‘za tutishing, zakot berishing, haj qilishing, shahodat kalimasini aytishing xolos va shu bilan ish tugaydi deb hayol qilma. Yo‘q. Bular ibodatlardir. Farz ibodatlardir. Dinning shiori bo‘lgan ibodatlardir.
Lekin muomalat ibodatlari sog‘lom bo‘lmas ekan, bularning samarasini sezmaysan va ibodatlarni asl maqsadi, hadafini anglamaysan. Seni dinga shakliy yaqinliging oldinga ham surmaydi, ortga ham.
Uyingni to‘riga Ka’baning suratini qo‘yib olishing kifoya emas.
Mashinangga Mus'hafi sharifni qo‘yib qo‘yishingni o‘zi kifoya emas.
Do‘koningni devoriga Qur’on oyatlari yozilgan plakatni osib qo‘yishni o‘zi kifoya emas.
Qo‘lingda tasbeh tutib yurishingni o‘zi kifoya emas.
Umra ziyoratiga o‘ttiz martalab borishingni o‘zi kifoya emas!
Din – bu istiqomatingdir.
Din – bu shariatga muvofiq muomalangdir.
Doktor Muhammad Rotib Nabulsiy hafizahulloh
Eng birinchi...
Alhamdulillah – Qur’oni karimdagi birinchi kalima va Odam alayhissalom aytgan ilk so‘z.
Hazrat Abu Bakr Siddiq roziyallohu anhu – sahobalardan Islomga eng birinchi kirgan hur erkak.
Hazrat Ali ibn Abu Tolib roziyallohu anhu – yosh bolalardan Islomga birinchi kirgan.
Xadicha bint Xuvaylid roziyallohu anho – ayollardan Islomga birinchi kirgan.
Bilol ibn Abu Raboh roziyallohu anhu – qullardan Islomga birinchi kirgan.
Zayd ibn Horisa roziyallohu anhu – ozod qilingan qullardan Islomga birinchi kirgan.
Hazrat Abu Bakr roziyallohu anhu – birinchi bo‘lib Qur’onni jamlagan.
Hazrat Ali ibn Abu Tolib roziyallohu anhu – Payg‘ambar alayhissalomdan keyin birinchi bo‘lib namoz o‘qigan.
Abdulloh ibn Zubayr roziyallohu anhu – hijratdan so‘ng muhojirlardan dunyoga kelgan birinchi farzand.
Abdulloh Ibn Mas’ud roziyallohu anhu – Qur’oni karimni Makkada birinchi bo‘lib oshkora tilovat qilgan.
Abdulloh ibn Salom roziyallohu anhu: “Nabiy alayhissalomning aytgan so‘zlaridan eng birinchi eshitganim: «Ey insonlar! Salomni yoyinglar! Ochlarni to‘ydiringlar! Silai rahm qilinglar! Insonlar uxlayotgan vaqtlarida, tunda turib namoz o‘qinglar! Shunda jannatga salomat holatda kirasizlar», degan so‘zlar bo‘ldi”.
As’ad ibn Zurora roziyallohu anhu – Rasululloh alayhissalom janozasini o‘qigan va Baqi’ qabristoniga dafn etilgan birinchi musulmon.
Bilol roziyallohu anhu – birinchi bo‘lib azon aytgan.
Muoviya ibn Abu Sufyon roziyallohu anhu – birinchi bo‘lib dengiz qo‘shinini tuzgan.
Qatoda ibn No‘mon roziyallohu anhu – Madinaga Qur’oni karimdan to‘liq bir sura (“Maryam” surasi)ni yodlab olib kelgan birinchi kishi.
Ummu Sulaym roziyallohu anho – Islomni qabul qilgan birinchi ansoriy ayol.
Davron NURMUHAMMAD