RAMAZON HAFTALIGI 1-son
O'tgan haftada diniy-ma'rifiy sohada ro'y bergan muhim xabarlarning qisqacha tafsiloti
00:00 Anons
01:14 Prezident O'zbekiston xalqiga tabrik yo'lladi
01:25 Ramazon fazilati va tinchlik qadri haqida samimiy muloqot bo'ldi
01:45 Muftiy hazratlarining tabriklari nufuzli xalqaro tashkilot sahifalarida e'lon qilindi
01:55 Matbuot sahifalarida Ramazon tilaklari
02:07 Fayzga to'la taroveh namozi
02:35 Murojaatlar o'z echimini topmoqda
02:57 Ramazon – “Mehr-muruvvat va xayru saxovat oyi”deb e'lon qilindi.
04:15 Umrachilarimiz Ramazonni Madinada qarshi oldilar
04:37 Imkoniyati cheklangan hamyurtlarimizga mazmunli suhbat qilib berildi
04:54 Muborak oy oldidan munosib tuhfa
05:35 Muftiy shayx hazratlari juma namozini "Oq uy” masjidida ado etdilar
05:56 Halqaro til sertifikati imtihoni o'tkazildi
06:27 Shayx Nuriddin Holiqnazar hazratlarining Ramazon oyi qutlovi Misr matbuoti nigohida
O'zbekiston musulmonlari idorasi Matbuot xizmati
YUNЕSKO bilan O‘zbekiston mahalla tizimi tajribasini xalqaro darajada targ‘ib qilish masalasi muhokama qilindi
O‘zbekiston va YUNЕSKOning Nomoddiy madaniy merosni muhofaza qilish to‘g‘risidagi konvensiyasi kotibiyati vakillari o‘rtasida onlayn uchrashuv bo‘lib o‘tdi, deb xabar bermoqda “Dunyo” AA.
Mamlakatimizning YUNЕSKO huzuridagi Doimiy vakolatxonasi ko‘magida tashkil etilgan muloqotda mahalla bilan bog‘liq madaniy an’ana va urf-odatlar, ularni xalqaro darajada targ‘ib qilish istiqbollari muhokama qilindi.
YUNЕSKOning Nomoddiy madaniy merosni muhofaza qilish to‘g‘risidagi konvensiyasi kotibi Fumiko Oxinata va Osiyo-Tinch okeani mintaqasi uchun mas’ul dastur mutaxassisi Nikolas Tan mavzu yuzasidan o‘z fikr-mulohazalarini bayon etdi.
O‘zbekiston tomonidan Tashqi ishlar vazirligi, O‘zbekiston mahallalari uyushmasi hamda YUNЕSKO huzuridagi Doimiy vakolatxonasi vakillari mahallaning ko‘p asrlik tarixi, uning jamiyat hayotidagi alohida o‘rni va milliy an’analarni saqlashdagi ahamiyati haqida so‘z yuritdi.
Uchrashuvda mahalla O‘zbekiston xalqi turmush tarzining ajralmas qismi ekani ta’kidlandi. U insonlarni yaxshi qo‘shnichilik, o‘zaro yordam, hamjihatlik va katta avlod vakillariga hurmat tamoyillari asosida birlashtiradi.
YUNЕSKO Kotibiyati vakillari taqdim etilgan materiallarga katta qiziqish bildirdi. Ular O‘zbekistonda mahalla bilan bog‘liq shakllangan jamoat hayoti tartibining o‘ziga xos xususiyatlarini e’tirof etdi.
Suhbat davomida O‘zbekistonning nomoddiy madaniy merosni targ‘ib qilishdagi roli alohida qayd etildi. Shu nuqtayi nazardan, o‘zbek mahalla tizimi tajribasi YUNЕSKO Kotibiyati mutaxassislarida katta qiziqish uyg‘otdi.
O‘zbekiston musulmonlari idorasi Matbuot xizmati
