Sayt test holatida ishlamoqda!
09 Iyun, 2025   |   13 Zulhijja, 1446
search icon
Avvalgi sayt
ЎЗ РУ EN AR

Toshkent shahri
Tong
03:05
Quyosh
04:50
Peshin
12:27
Asr
17:37
Shom
19:58
Xufton
21:36
Bismillah
09 Iyun, 2025, 13 Zulhijja, 1446
Avvalgi sayt
#search
 YouTube

Kim zino qilsa, undan iymon chiqib ketadi...

18.12.2024   3510   1 min.
Kim zino qilsa, undan iymon chiqib ketadi...

Bismillahir Rohmanir Rohiym.
Alloh taologa bitmas-tuganmas hamdu sanolar bo‘lsin.
Payg‘ambarimizga mukammal va batamom salavotu durudlar bo‘lsin.

Nabiy sollallohu alayhi vasallam: «Zino qiluvchi zino qilayotgan vaqtida mo‘min bo‘lmaydi» deb ogoh qilganlar (Sahihi Buxoriy).

Imom Buxoriy rahmatullohi alayh Abdulloh ibn Abbos roziyallohu anhumodan buning ma’nosini bunday naql qilganlar:

«Zino sababli insondan iymon nuri sug‘urib olinadi».

Imom Tabaroniydan qilingan boshqa bir rivoyatda bunday deyiladi:

«Kim zino qilsa, undan iymon chiqib ketadi. Keyin agar tavba qilsa, Alloh taolo tavbasini qabul qiladi» (Fathul Boriy).

O‘ylab ko‘radigan o‘rni shuki, iymondan mahrum bo‘lish bir necha lahzalar uchun bo‘lsa-da, juda xatarli! Ayni o‘sha mahrumlik lahzalarida Alloh taolo tarafidan o‘lim kelib qolsa, iymonsiz ketgan bo‘ladi. Bunday xotimadan Alloh taolo saqlasin. Bunday yomon oqibatni inson taammul qilsa, oyoqlari kishanlanib, fahsh tarafga yurishdan to‘xtab qoladi. Biz zino va zinoning barcha sabablari va vajhlaridan o‘zimizni saqlashga batamom harakat qilishimiz lozim.

«Badnazarlik va zinodan saqlanish» kitobi asosida tayyorlandi

Boshqa maqolalar
Yangiliklar

Hamdardlik bildiramiz

04.06.2025   5109   1 min.
Hamdardlik bildiramiz

O‘zbekiston musulmonlari idorasi jamoasi Jizzax viloyati bosh imom-xatibi o‘rinbosari Botirxon domla Ro‘ziyevning padari  buzrukvorlari Joniqul otaning vafoti munosabati bilan u kishining yaqinlariga chuqur ta’ziya izhor etadi.


Oxirat safariga kuzatilgan otaxon el koriga yaraydigan, dinu diyonat yo‘lida xizmat qiladigan farzand va nevaralarni o‘stirdilar, chiroyli tarbiya qildilar.


Alloh taolo marhum otaxonning barcha solih amallarini o‘zlariga hamroh aylab, O‘z mag‘firatiga olsin. Haq taolo marhum otaxonning yaqinlari, farzandu arjumandlariga chiroyli sabr berib, bu musibatlariga ajru mukofotlar ato etsin.


O‘zbekiston musulmonlari idorasi jamoasi, ulamolari, imom-domlalari va o‘qituvchi-mudarrislari nomidan Botirxon domla Ro‘ziyevga, u kishining oila a’zolari, yor-birodarlari, yaqinlariga hamdardlik bildiramiz.


Innaa lillaahi va innaa ilayhi roji’uun.

«Musibat yetganda «Albatta, biz Allohnikimiz va albatta, biz Unga qaytuvchimiz», degan sabrlilarga xushxabar bering».

O‘zbekiston musulmonlari idorasi
Muslim.uz

O'zbekiston yangiliklari
#logo