2024 yil 30 dekabr kuni Qo‘shko‘pir tumanida yangidan qurib bitkazilgan "Islom bobo" jome masjidining ochilish marosimi o‘tkazildi. Unda Xorazm viloyati bosh imom-xatibi Xayrulla domla Abdullayev, Qo‘shko‘pir tumani hokimi Shuhrat Ahmedov, "Imom Faxriddin ar-Roziy" o‘rta maxsus islom bilim yurti mudiri Davronbek domla Abdukadirov, imom-xatiblar, mutasaddilar, mahalla ahli jam bo‘lishdi. 

Ochilish marosimida Qur’oni karim oyatlari o‘qilib, yangi masjid xalqimiz e’tiqodi, ma’rifatini mustahkamlashda hidoyat va ziyo maskani bo‘lib ko‘p yillar xizmat qilishini Allohdan so‘rab, bu xayrli ishda ko‘makchi bo‘lgan barcha ezgu niyatli kishilar haqqiga duolar qilindi. 

Zamonaviy talablarga javob beradigan, barcha qulayliklarga ega bo‘lgan yangi masjid 600 nafar namozxonga mo‘ljallangan. 

O‘zbekiston musulmonlari idorasi
Xorazm viloyati vakilligi
Matbuot xizmati