Rizq Allohdan
Bir ayol radiodagi jonli efirga qo‘ng‘iroq qilib, Alloh unga yordam berishini aytib murojaat qildi. Bu eshittirishni eshitib turgan bir mansabdor ayol bilan hazillashmoqchi bo‘ldi.
Radioga telefon qilib ayolning manzilini oldi. Yordamchisini chaqirib: “Hozir bozorlik qilib men bergan manzilga olib borasan. U yerda bir ayol chiqadi. Unga olgan narsalaringni berasan. Ayol kim berganini so‘rasa shayton berib yubordi deb aytasan” dedi. Yordamchi o‘sha manzilga u bu xarid qilib keldi. Ayol kishi olib kelingan narsalarni mamnuniyat bilan olib qoldi. Yordamchi hayron bo‘lib “Bu narsalarni kim bergani seni qiziqtirmaydimi?” deb so‘radi. Shunda ayol: “menga kim bergani bilan ishim yo‘q. Bir narsani yaxshi bilaman, Alloh buyursa shayton ham bo‘ysunadi” deya javob qildi.
Akbarshoh Rasulov tarjimasi
Surxondaryoda otinoyilar uchun seminar-trening o‘tkazildi
Joriy yilning 7-8 sentyabr kunlari Surxondaryo viloyatining Imom Termiziy xalqaro ilmiy-tadqiqot markazi majlislar zalida ikki kunlik o‘quv-seminari doirasida "Mafkuraviy xatarlarga qarshi kurashishda otinoyilarning o‘rni hamda mas’uliyati" mavzusida seminar-trening bo‘lib o‘tdi.
Tadbirda O‘zbekiston musulmonlari idorasi Surxondaryo viloyati vakilining xotin-qizlar bo‘yicha o‘rinbosari, viloyat hokimligi mutasaddilari hamda diniy soxa xodimlari ishtirok etishdi. Ishtirokchilarga seminarning ahamiyati, "Aqida ilmining moxiyati va moturidiylik ta’limoti", "Yot oqimlar g‘oyalariga raddiyalar" - Imom Moturidiy xalqaro ilmiy- tadqiqot markazi katta ilmiy xodimi I.Abduraxmonov, "Globallashuv asrida ayollarni g‘oyaviy taxdidlardan asrash" - Imom Moturidiy xalqaro ilmiy- tadqiqot markazi bo‘lim boshlig‘i Sh.Jo‘rayev hamda "Xotin-qizlar bilan ishlashda uslubiy tavsiyalar" - O‘zbekiston xalqaro islomshunoslik akademiyasi dots.nti D.Turdiyevalar mavzularida so‘z yuritdilar.
Seminar davomida bugungi kunda uchrayotgan mafkuraviy tahdidlar, ularning oldini olish, jamiyatda sog‘lom ma’naviy muhitni shakllantirish, ayniqsa xotin-qizlar o‘rtasida ma’rifiy faoliyatni kuchaytirishda otinoyilarning o‘rni va mas’uliyati haqida atroflicha ma’lumotlar berildi.
Shuningdek, ishtirokchilar bilan ochiq muloqot tashkil etilib, mavzu yuzasidan fikr va takliflar muhokama qilindi hamda qiziqtirgan savollarga mutaxassislar tomonidan javoblar berildi.
Seminar-trening o‘z ishini yakunladi.
O‘zbekiston musulmonlari idorasi Matbuot xizmati
