Sayt test holatida ishlamoqda!
12 Fevral, 2025   |   13 Sha`bon, 1446
search icon
Avvalgi sayt
ЎЗ РУ EN AR

Toshkent shahri
Tong
06:02
Quyosh
07:22
Peshin
12:42
Asr
16:11
Shom
17:56
Xufton
19:10
Bismillah
12 Fevral, 2025, 13 Sha`bon, 1446
Avvalgi sayt
#search
 YouTube
Yangiliklar

Malayziyada ilk marta O‘zbekistondagi diniy-ma’rifiy sohadagi islohotlar haqida film taqdimot qilinadi

3.02.2025   5695   1 min.
Malayziyada ilk marta O‘zbekistondagi diniy-ma’rifiy sohadagi islohotlar haqida film taqdimot qilinadi

Malayziya telekanalida O‘zbekistonda diniy-ma’rifiy sohada amalga oshirilayotgan islohotlarga bag‘ishlangan maxsus film taqdimoti bo‘lib o‘tadi. Bunday loyiha ilk marta Imom Moturidiy xalqaro ilmiy-tadqiqot markazi tashabbusi bilan amalga oshirilmoqda. Bu haqda uza.uz xabar berdi. 
 

Filmda O‘zbekistonning yirik ilm-fan va madaniyat markazi sifatidagi boy tarixi, shuningdek, Prezident Shavkat Mirziyoyev tashabbusi bilan diniy-ma’rifiy sohada amalga oshirilayotgan tub islohotlar, buyuk mutafakkir allomalarimizning boy ilmiy-ma’naviy merosini chuqur o‘rganish va keng targ‘ib qilish yuzasidan olib borilayotgan ishlar, Yangi O‘zbekistonda tashkil qilingan xalqaro ilmiy tadqiqot markazlari faoliyati va yutuqlari haqida hikoya qilinadi.  


Film O‘zbekiston va Malayziya o‘rtasida ilmiy-madaniy sohadagi hamkorlikni yanada rivojlantirishga, diniy-ma’rifiy sohadagi keng ko‘lamli islohotlar, ijobiy o‘zgarishlar, muhim natija va ilmiy yutuqlarni malay jamoatchiligi orasida keng tarannum qilishga xizmat qiladi.

O‘zbekiston musulmonlari idorasi
Matbuot xizmati

 

 

O'zbekiston yangiliklari
#logo
Boshqa maqolalar
Yangiliklar

Bosh imom vatandoshlar bilan uchrashdi

6.02.2025   7581   1 min.
Bosh imom vatandoshlar bilan uchrashdi

Rossiya Federatsiyasida vaqtincha mehnat qilayotgan, ta’lim olayotgan va boshqa maqsadlarda borgan yurtdoshlarimiz bilan samimiy muloqot qilish, ular bilan dildan gaplashish, ma’rifiy suhbatlar qilib berish maqsadida ayni kunlarda Toshkent shahar bosh imom-xatibi Abduqahhor domla Yunusov mazkur mamlakatda bo‘lib turibdi.

Dastlab Moskva viloyati Odinsovo shahridagi "Monotek" mas’uliyati cheklangan jamiyati qurilish shirkatida ishlayotgan vatandoshlarimiz bilan, so‘ngra Moskva shahridagi "AntYapi" mas’uliyati cheklangan jamiyati qurilish firmasida mehnat qilayotgan O‘zbekiston fuqarolari bilan samimiy muloqot qildi.

Vatandoshlarimiz ma’rifiy suhbatlar asnosida Abduqahhor domladan o‘zlarini qiziqtirgan diniy va boshqa mavzulardagi savollarga atroflicha javoblar oldi.

Bosh imom vatandoshlarimizga qayerda bo‘lsa ham yurtimiz sha’nini baland tutishni, aqidasi buzuq har xil oqimlarga qo‘shilib qolmaslik zarurligini alohida ta’kidladi. 

Xizmat safari  Sankt-Peterburg shahrida davom etadi.

O‘zbekiston musulmonlari idorasi 

Toshkent shahar vakilligi

Matbuot xizmati

Bosh imom vatandoshlar bilan uchrashdi Bosh imom vatandoshlar bilan uchrashdi
O'zbekiston yangiliklari
#logo