Birlashgan Millatlar Tashkiloti Bosh Assambleyasining 2020 yil 21 dekabrdagi rezolyutsiyasiga muvofiq har yili fevral oyining birinchi haftasi “Dinlararo hamjihatlik haftaligi”, 4 fevral sanasi “Xalqaro insoniy birodarlik kuni” deb e’lon qilingan.
Shu munosabat bilan O‘zbekiston xalqaro islom akademiyasida 4-8 fevral kunlari ilmiy, madaniy-ma’rifiy va sport tadbirlari haftaligi o‘tkazish rejalashtirilgan.
Ayni paytda haftalik doirasida “Insoniy birodarlik va dinlararo muloqot – xalqaro hamjihatlik omili” mavzusida xalqaro ilmiy-amaliy seminar bo‘lib o‘tdi. Unda UNESCO xalqaro tashkiloti, O‘zbekiston Respublikasi UNESCO milliy komissiyasi, O‘zbekiston Respublikasi Din ishlari bo‘yicha qo‘mitasi hamda O‘zbekiston musulmonlari idorasi vakillari, dinshunos ekspertlar, taniqli olimlar, yurtimiz faoliyat olib borayotgan konfessiyalar vakillari, shuningdek, Akademiya professor-o‘qituvchilari va talabalari ishtirok etdi.
Tadbirda O‘zbekiston musulmonlari idorasi raisining birinchi o‘rinbosari Homidjon domla Ishmatbekov so‘zga chiqib, yurtimizda xalqaro hamjihatlik borasida keyingi yillarda olib borilayotgan xayrli ishlar, xususan, umuminsoniy qadriyatlarga tayangan holda ishlab chiqilgan, qayta tahri qilingan huquqiy-me’yoriy me’yoriy asoslar haqida nutq so‘zladi.
Ilmiy-amaliy seminar davom etmoqda.
O‘zbekiston musulmonlari idorasi
Matbuot xizmati
Bugun, 15 may kuni Mir Arab oliy madrasasida "Islom ma’rifati — axloqiy va ma’naviy barkamollik asosi" mavzusida respublika anjumani bo‘lib o‘tdi.
Ilmiy-amaliy anjumanda O‘zbekiston musulmonlari idorasi raisi o‘rinbosari Muhammadolim Muhammadsiddiqov, Mir Arab oliy madrasasi rektori Jobir domla Elov, diniy ta’lim muassasalari, shuningdek, Buxoro davlat pedagogika instituti, Menejment va zamonaviy texnologiyalar universiteti rahbar va professor o‘qituvchilari ishtirok etdi.
Anjumanda bevosita va masofaviy tarzda qatnashgan notiqlar mavzu yuzasidan chiqishlar qilish barobarida muhim taklif va tavsiyalarni ilgari surdilar.
Mirarab.uz