Jaholatning oldini ma’rifat oladi
Qumqo‘rg‘on tumanidagi "Bo‘ston", "Surxon sohil", "Besh qahramon" mahallalari hamda 1-, 2-, 55-sonli maktablarda “Jaholatga qarshi ma’rifat” shiori ostida targ‘ibot tadbirlari o‘tkazildi.
Tadbirda Imom Termiziy xalqaro ilmiy-tadqiqot markazi ilmiy xodimlari bugungi kunda mamlakatimizda amalga oshirilayotgan islohotlar, xalqimiz uchun yaratilayotgan sharoit va imkoniyatlar, olib borilayotgan ijtimoiy-iqtisodiy, diniy sohadagi islohotlar haqida ma’ruzalar qilishdi.
Shuningdek, internet va ijtimoiy tarmoqlar orqali tarqalayotgan mafkuraviy xatarlar va ularning oldini olish masalalari, yurtimizda yoshlarga berilayotgan imkoniyatlar to‘g‘risida to‘xtalib o‘tildi.
Uchrashuvda tinglovchilar o‘zlarini qiziqtirgan savollarga javob olishdi.
Tadbir so‘ngida "Tinchlik qadri" mavzusida film namoyish etildi.
O‘zbekiston musulmonlari idorasi
Matbuot xizmati
Farg‘onada yana bir og‘ir bemorning holidan xabar olindi
«Vaqf» xayriya jamoat fondi Farg‘ona viloyati filialining fidoyi xodimlari va volontyorlari tomonidan saxovatpesha xalqimiz tomonidan qilingan xayr-ehsonlar ezgu maqsadlar yo‘lida sarflanmoqda.
Navbatdagi xayriya tadbiri doirasida Uchko‘prik tumanida yashovchi, jigar sirrozi kasalligiga chalingan og‘ir bemor Kazakov Ilyosjon Yoqubovichning holidan xabar olinib, unga jarrohlik amaliyoti xarajatlari uchun 132 million 500 ming so‘m miqdorida xayriya mablag‘i, oziq-ovqat mahsulotlari jamlanmasi, Mus'haf va boshqa ehsonlar topshirildi.
Bugun bemorlar va ehtiyojmand insonlarga ko‘rsatilayotgan bunday ko‘mak — xalqimizning mehr-oqibati, saxovati va hamjihatligining yorqin ifodasidir.
O‘zbekiston musulmonlari idorasi Matbuot xizmati
- «
- »