“Saxovat shunday bir daraxtki...”
Muhtaram Prezidentimizning «Ramazon – saxovat, birdamlik va bag‘rikenglik oyi» g‘oyasi asosida Toshkent viloyatida saxovat tadbirlari davom etyapti.
Bu jarayonda mahallalarda istiqomat qilayotgan ko‘ngli o‘ksik insonlarga quvonchlar ulashilyapti.
Ramazonning to‘rtinchi kuni (4 mart) Angren shahar «Obliq» jome masjidi imom noibi shahar hokimligi mutasaddilari bilan birgalikda «Do‘stlik» hamda «Nishbosh» mahallalarida yashovchi ehtiyojmand kishilarga oziq-ovqat mahsulotlari berildi.
* * *
Toshkent tumani «Hazrati Bilol» jome masjidi imom-xatibi Jahongir Choriyev hududdagi «Zargar» mahallasidagi yetim parvarishlanayotgan, nogironi bor 15 ta xonadonga oziq-ovqatlar yetkazib berishdi.
Tumandagi «Ko‘kterak», «Rahim ota», «Eshonxo‘ja ota» masjidlari imomlari ham homiylarni jalb qilgan holda haqdor oilalarga ehsonlar tarqatdilar.
Tuman imomlari homiylar ko‘magida 80 ta kam ta’minlangan oilaga 12 turdagi oziq-ovqat mahsulotlarini yetkazib berishdi.
* * *
Yangiyo‘l tumani «Qirsadaq» masjidi imomi Odiljon Narzullayev ham homiylar yordamida muhtoj oilalarga 12 million so‘mlik ehson uyushtirdi.
* * *
Xuddi shunday saxovat ishlari Chirchiq shahri, Chinoz tumani va barcha tumanlar/shaharlarda davom etmoqda.
* * *
Hadisi sharifda: «Saxovat shunday daraxtki, uning ildizlari jannatda, shoxlari dunyoga tushib turadi. Kim uning shoxidan ushlasa, ildizlari (jannat) sari tortadi» (Abu Nuaym, "Hilyatul avliyo"), deya ta’kidlangan.
Alloh taolo ehsonlarni qabul qilsin, savoblarini ko‘paytirib bersin.
Toshkent viloyati vakilligi
Matbuot xizmati
Qariyb 50 mamlakat jurnalistlari yangi Imom Buxoriy majmuasi va Samarqandning asosiy yodgorliklarini ziyorat qiladi
«Islom sivilizatsiyasi: yangi nigoh — yangi kashfiyotlar» Xalqaro mediaforumi ishtirokchilari 27 avgust kuni Samarqandga yo‘l oladi. Ular yangidan bunyod etilgan Imom Buxoriy yodgorlik majmuasi, Imom Buxoriy xalqaro ilmiy-tadqiqot markazi hamda Imom Buxoriy nomidagi Innovatsion muzey bilan tanishadi. Kunning ikkinchi yarmida esa ishtirokchilar uchun shaharning tarixiy-madaniy meros obyektlari, jumladan, YUNЕSKOning Jahon merosi ro‘yxatiga kiritilgan yodgorliklar bo‘ylab maxsus dastur tashkil etiladi, xabar bermoqda iccu.uz.
Yodgorlik majmuasi Samarqand viloyati Payariq tumanida, buyuk muhaddis va ilohiyotshunos Muhammad al-Buxoriyning (810–870) dafn etilgan joyida joylashgan. U «Sahihi Buxoriy» to‘plami muallifi bo‘lib, mazkur asar sunniy islomdagi eng mo‘tabar hadis to‘plamlaridan biri hisoblanadi.
Keng ko‘lamli rekonstruksiyadan so‘ng majmua 2026 yil bahorida ziyoratchilar uchun qayta ochildi. Uning umumiy hududi 45 gektarni tashkil etadi. Bu yerda 10 ming kishilik masjid, ma’muriy va xizmat ko‘rsatish binolari, 154 ustunli ayvon, 14 ta moviy gumbaz va balandligi 75 metr bo‘lgan to‘rtta minora barpo etilgan. Rekonstruksiyadan so‘ng majmuaning kunlik qabul qilish quvvati 12 ming nafardan 65 ming nafargacha oshdi.
Majmuaning markaziy qismlaridan biri — to‘qqizta pavilondan iborat yangi Imom Buxoriy Innovatsion muzeyidir. Ekspozitsiya allomaning hayoti, hadisshunoslik tarixi va uning ilmiy merosiga bag‘ishlangan. Shuningdek, muzeyda Qur’onda zikr etilgan payg‘ambarlar, Payg‘ambarimiz Muhammad sollallohu alayhi vasallamning Makka va Madinadagi hayoti hamda yozma hadis to‘plamlarining shakllanish tarixi haqida ma’lumotlar berilgan.
Majmua yaqinida Imom Buxoriy xalqaro ilmiy-tadqiqot markazi ham faoliyat yuritadi. Markaz islom ilmiy va qo‘lyozma merosini, jumladan, Markaziy Osiyoning o‘rta asr olimlari asarlarini o‘rganish, ilmiy tadqiqotlar va tarjimalar tayyorlash, shuningdek, xalqaro ilmiy almashinuvni rivojlantirish bilan shug‘ullanadi.
Majmuaga tashrifdan so‘ng forum ishtirokchilari tarixiy Samarqand bilan tanishadi. Shaharning asosiy me’moriy yodgorliklari qatoriga Registon, Bibixonim masjidi, Shohi Zinda majmuasi va Go‘ri Amir maqbarasi kiradi. YUNЕSKO ushbu to‘rt obyektni 2001 yilda «Samarqand — madaniyatlar chorrahasi» nomi bilan Jahon merosi ro‘yxatiga kiritilgan tarixiy shaharning asosiy yodgorliklari sifatida e’tirof etadi.
Samarqand bosqichi 24–28 avgust kunlari Toshkent va Samarqand shaharlarida bo‘lib o‘tadigan «Islom sivilizatsiyasi: yangi nigoh — yangi kashfiyotlar» Xalqaro mediaforumi dasturining bir qismi bo‘ladi.
Press-slujba Upravleniya musulman Uzbekistana
- «
- »