Poytaxt imomlari mahallalarda
Kecha, Ramazonning 11 kuni (11 mart) Toshkent shahar bosh imom-xatibi Abduqahhor domla Yunusov boshchiligida poytaxtimiz tumanlari bosh imomlari hamda Olmazor tumani imomlari tumanidagi «Islomobod» jome masjidida yig‘ildilar.
Abduqahhor domla dastlab Ramazonda amalga oshirilayotgan saxovat tadbirlari haqida imomlarning so‘zlarini tingladi.
So‘ngra tumandagi kam ta’minlangan, boquvchisini yo‘qotgan, nogiron parvarishlanayotgan oilalarga borib, ularga zarur oziq-ovqat mahsulotlarini topshirdi.
O‘zbekiston musulmonlari idorasi
Toshkent shahar vakilligi Matbuot xizmati
Mustaqillik to‘yonasi: Buxoroda 35 nafar bolajonning sunnat to‘yi o‘tkazildi
O‘zbekiston Respublikasi mustaqilligining 35 yilligi munosabati bilan Buxoro viloyatida aholining ijtimoiy himoyaga muhtoj qatlamlarini qo‘llab-quvvatlash va ularning ko‘ngliga quvonch ulashishga qaratilgan xayriya tadbirlari davom etmoqda.
Xususan, joriy yilning 9 avgust kuni «Vaqf» xayriya jamoat fondi Buxoro viloyati filiali, hududdagi masjidlar xodimlari va saxovatpesha homiylar hamkorligida ehtiyojmand oilalarning 35 nafar farzandi uchun sunnat to‘ylari tashkil etildi.
Tadbir doirasida to‘ybolalarning har biriga 35 ta velosiped, 35 to‘plam o‘quv qurollari hamda yangi kostyum-shim, ko‘ylak va oyoq kiyimlar to‘plami tantanali ravishda topshirildi.
Tantanali marosimda so‘z olganlar bolajonlar va ularning ota-onalariga ezgu tilaklar bildirib, farzandlarni sog‘lom, barkamol va dinu diyonatli insonlar etib tarbiyalash, ularga munosib ta’lim berish eng muhim vazifalardan biri ekanini ta’kidladilar.
Dinimiz va xalqimizga xos bo‘lgan mehr-oqibat, saxovat va insonparvarlik fazilatlarining amaliy ifodasi bo‘lgan bu kabi xayrli tadbirlarni «Vaqf» fondi tomonidan izchil davom ettirish rejalashtirilgan.
O‘zbekiston musulmonlari idorasi
Matbuot xizmati
