Sayt test holatida ishlamoqda!
25 Mart, 2026   |   5 Shavvol, 1447
search icon
Avvalgi sayt
ЎЗ РУ EN AR

Toshkent shahri
Tong
04:59
Quyosh
06:19
Peshin
12:34
Asr
16:51
Shom
18:44
Xufton
19:57
Bismillah
25 Mart, 2026, 5 Shavvol, 1447
Avvalgi sayt
#search
 YouTube
Maqolalar

Ro‘za miya va ichaklarni qayta tiklaydi

18.03.2025   12986   1 min.
Ro‘za miya va ichaklarni qayta tiklaydi

Ro‘za miya va ichak faoliyatini qayta tiklaydi, bu esa vazn yo‘qotish va salomatlikni yaxshilashga olib keladi.


AQSHning “Frontiers in Cellular and Infection Microbiology” nomli xalqaro jurnalida chop etilgan tadqiqot natijalariga ko‘ra, ro‘za tutish miya faoliyatini va ichak bakteriyalarini sezilarli darajada yaxshilaydi, ortiqcha vaznning yo‘qolishiga hamda umumiy salomatlikning tiklanishiga olib keladi.


Tadqiqotchilar ro‘za tutganlarning salomatligini tekshirishlari natijasida quyidagilarni aniqladilar:

– ortiqcha vazndan xalos bo‘lish (o‘rtacha 7,6 kilogramm – 16,8 funt);

– ichak bakteriyalaridagi ijobiy o‘zgarishlar, xususan yog‘on ichak faoliyati uchun foydali “Coprococcus va Eubacterium hallii” bakteriyasining faollashuvi;

– oziq-ovqat iste’moli va impulslarni nazorat qiluvchi miya to‘qimalarining yaxshilanishi.


Xulosa qilib aytganda, ro‘za oshqozon va ichaklar hamda miya faoliyatini yaxshilanishiga sabab bo‘ladi.


“Ro‘za tutishingiz siz uchun yaxshilikdir” deb marhamat qilgan Alloh taologa hamdlar va “Ro‘za tutinglar, salomat bo‘lasizlar” degan Payg‘ambarimiz sollallohu alayhi vasallamga salavotlar bo‘lsin.

 

Davron NURMUHAMMAD

 

 

Maqolalar
#logo
Boshqa maqolalar
Maqolalar

Rasululloh ﷺning bolalar bilan muloqotdagi uslublari

24.03.2026   5493   1 min.
Rasululloh ﷺning bolalar bilan muloqotdagi uslublari

Bismillahir Rohmanir Rohiym

Rasululloh sollallohu alayhi vasallam bolalar bilan shunday gaplashar edilarki, ular o‘zlarini xuddi kattalardek his etishardi. Ammo ayrim odamlar bolalar bilan kulgili tovushlar chiqarib o‘ynashadi. Ba’zan ko‘chadagi bolalar bilan ham ularning jig‘iga tegib, o‘zlari qochib ketmaguncha hazillashadilar.

Hatto 10 yoshar bolani yuzlarini chimchilab xuddi go‘dakka o‘xshab kulishini kutamiz. Bunday erkalashlarda bola o‘zini kattalardek his qilmaydi.

Rasululloh sollallohu alayhi vasallam Ibn Abbos bilan suhbatlashganda, unga nimalarni aytganlarini bilasizmi? U zot sollallohu alayhi vasallam bunday dedilar: “Ey bolakay! Men senga kalimalarni o‘rgataman. Allohni(ng buyrug‘u qaytariqlarini) muhofaza qilgin, shunda U Zot seni muhofaza qiladi. Allohni muhofaza qilsang, U Zotni ro‘parangda topasan.

So‘ramoqchi bo‘lsang, Allohdan so‘ra. Ko‘mak istamoqchi bo‘lsang, Allohdan ista. Bilki, agar butun ummat (mahluqotlar) senga biror manfaat berish uchun jamlansa ham, Alloh senga yozgan narsadan boshqasini bera olmaydi. Agar ularning hammasi senga biror zarar yetkazish uchun jamlansa ham, Alloh senga yozgan narsadan boshqasini yetkaza olmaydi”.

Ushbu muborak hadis Ibn Abbos roziyallohu anhu orqali bizgacha yetib keldi. Bu go‘zal so‘zlarni Ibn Abbos roziyallohu anhu Rasululloh sollallohu alayhi vasallamdan tinglaganlarida bor yo‘g‘i 9 yoshda edilar.

Davron NURMUHAMMAD

Maqolalar
#logo