Chimboyda aholi vakillari holidan xabar olindi
Qoraqalpog‘iston musulmonlari qoziyoti qozisi Bahramaddin domla Razov, Chimboy tumani bosh imomi Ilyas Qazaqbayev hamda tumandagi "Yusuf ota”, “Rahmatulloh maxsum" masjidlari imom-xatiblari, mahalla fuqarolar yig‘ini raislari hamda nuroniylar birgalikda Chimboy tumanida nogironligi bo‘lgan fuqarolar, keksalar va turli millatlarga mansub aholi vakillari holidan xabar olishdi.
Aholi vakillari bilan suhbatlashilib, homiylarni jalb qilgan holda oziq-ovqat mahsulotlari ulashildi.
O‘zbekiston musulmonlari idorasi
Matbuot xizmati
Bayram shukuhi Jizzaxda ham davom etmoqda
O‘zbekiston Respublikasi davlat mustaqilligining 35 yilligi arafasida “Vaqf” xayriya jamoat fondining Jizzax viloyati filiali tomonidan xayriya tadbiri tashkil etildi.
Viloyatning turli hududlaridan bo‘lgan boquvchisini yo‘qotgan 35 nafar bolaning xatna to‘yi qilib berildi.
Tadbirda bolajonlarga velosiped, kostyum-shim va ko‘ylaklar, shirinliklar qutisi sovg‘a qilinib, bayram dasturxoni yozildi.
Bolajonlarga qo‘shilib, ularning yaqinlari ham quvonchdan tashakkur aytib, tashkilotchilar, Yurtboshimiz haqlariga duolar qilishdi.
Shuningdek, tadbir doirasida ijtimoiy himoyaga muhtoj, boquvchisini yo‘qotgan hamda kam ta’minlangan oilalar farzandlariga e’tibor va g‘amxo‘rlik ko‘rsatilib, ularga ham hadyalar ulashildi.
Bunday ezgu tashabbuslar jamiyatda o‘zaro mehr-oqibat, saxovat va hamjihatlik muhitini mustahkamlash, yosh avlod qalbida Vatanga muhabbat va insonparvarlik tuyg‘ularini yuksaltirishga xizmat qiladi.
O‘zbekiston musulmonlari idorasi
Matbuot xizmati
