Saudiya Arabistonining "Swift News" elektron nashrida "O‘zbekiston musulmonlari idorasi raisi, muftiy barcha musulmonlarni Ramazon hayiti bayrami bilan tabrikladi" sarlavhali maqola e’lon qilindi, deb xabar qilmoqda "Dunyo" AA muxbiri.

"O‘zbekiston musulmonlari idorasi raisi, muftiy shayx Nuriddin Xoliqnazarov Ramazon hayiti munosabati bilan butun dunyo musulmonlarga tabrik yo‘lladi", – deyilgan nashrda.

Tabrikda Yaratgan barcha mo‘min va musulmonlarning muqaddas Ramazon oyida tutgan ro‘zasini qabul qilishi, gunohlaridan xalos bo‘lishlarini so‘rab duolar qilingani qayd etilgan.

"Barchamizni Ramazon hayitiga eson-omon yetkazgan, yurtimizni tinchlik-xotirjamlikda saqlayotgan Xudoga behisob shukronalar bo‘lsin. Ramazon hayiti bayramingiz muborak bo‘lsin", – deya O‘zbekiston musulmonlari idorasi raisi so‘zlaridan iqtibos keltirilgan maqolada.

O‘zbekiston musulmonlari idorasi
Matbuot xizmati