Umra litsenziyasini boshqa turdagi litsenziyalardan qanday farqlab olish mumkin?
Bugungi kunda noqonuniy umra faoliyati bilan shug‘ullanayotgan turfirmalar Turizm qo‘mitasi va boshqa tashkilotlar tomonidan taqdim etiladigan sayohat qilish imkonini beruvchi litsenziyasini ko‘rsatib, fuqarolarni aldab umra faoliyati bilan shug‘ullanib kelmoqda.
Qonunchilikka ko‘ra, "Umra" tadbirlarini tashkil etish va o‘tkazish faoliyati uchun talab qilinadigan litsenziya siz videoda ko‘rib turgan shaklda bo‘lishi talab etiladi.
Din ishlari bo‘yicha qo‘mita
Axborot xizmati
Buxoroda Qur’on musobaqasi o‘tkazildi
O‘zbekiston Respublikasi Davlat mustaqilligining 35 yilligi munosabati bilan Buxoro viloyatida faoliyat olib borayotgan imom-xatib va imom-noiblar o‘rtasida “Qur’on tinchlikka buyuradi” shiori ostida Qur’on musobaqasi o‘tkazildi.
Ochilish marosimida Buxoro viloyati bosh imom-xatibi Jobir domla Elov so‘zga chiqib, mazkur ma’rifiy tadbirning ahamiyati haqida so‘zlab, ishtirokchilarga muvaffaqiyat tiladi.
Musobaqani o‘tkazishdan ko‘zlangan maqsad diniy soha xodimlarining Qur’oni karim bo‘yicha bilim va mahoratini yanada oshirish, ular o‘rtasida o‘zaro hamjihatlik muhitini shakllantirishdir.
Bellashuvda viloyatning tuman va shaharlarida faoliyat yuritayotgan 10 nafar imom-xatib va imom-noib ishtirok etib, Qur’oni karimni o‘qish va yoddan bilish borasidagi bilim va mahoratini namoyish etishdi.
Birinchi o‘ringa Peshku tumani “Chiqirchi” jome masjidi imom-noibi Afzal Shavkatov sazovor bo‘ldi. Ikkinchi o‘rin Buxoro shahridagi “Volidi Abdulazizxon” jome masjidi imom-noibi Abduvohid Akramovga, uchinchi o‘rin Jondor tumani “Raboto‘g‘lon” jome masjidi imom-xatibi Shuhrat Sherovga nasib etdi.
G‘oliblarga diplom va qimmatbaho sovg‘alar topshirildi.
O‘zbekiston musulmonlari idorasi
Matbuot xizmati
