Joriy yilgi “Haj – 2025” ibodatiga tayyorgarlik ishlari doirasida Samarqand shahrida uchrashuv tashkil etildi. Unda Samarqand, Qashqadaryo va Jizzax viloyatlaridan tayinlangan guruh rahbarlari ishtirok etdi.

O‘quv-seminarda haj tadbirlarini yuqori darajada tashkil etish, ziyoratchilarga xizmat ko‘rsatish sifatini oshirish, tartib-intizom va xavfsizlik masalalari yuzasidan muhim ko‘rsatmalar berildi. Shuningdek, guruh rahbarlariga haj marosimlari davomida amalga oshirilishi lozim bo‘lgan tashkiliy va ma’rifiy ishlar to‘g‘risida batafsil ma’lumotlar yetkazildi.

Uchrashuv mas’ul tashkilotchilar va haj safariga tayyorlanayotgan rahbarlar o‘rtasida o‘zaro hamkorlikni mustahkamlashga xizmat qildi.

O‘zbekiston musulmonlari idorasi 
Samarqand viloyati vakilligi 
Matbuot xizmati