“114 Qur’on” loyihasi
O‘zbekistondagi Islom sivilizatsiyasi markazi ekspozitsiyasining asosiy qismi bo‘lgan "Qur’on zali"ning ilmiy-innovatsion loyihalari doirasida yana bir yirik loyiha amalga oshirilmoqda. Bu — “114 Qur’on” loyihasidir.
Loyihaning asosiy maqsadi — dunyoning turli mamlakatlarida saqlanayotgan, O‘zbekistonga oid bo‘lgan noyob qo‘lyozma Qur’on nusxalarini topish va ularning faksimile (nusxa)larini tayyorlashdir.
Mazkur loyiha doirasida Avstriyaning “Mueller&Schindler” nashriyotining biznesni rivojlantirish va marketing bo‘yicha vitse-prezidenti Aleksandr Vilgelm bilan onlayn uchrashuv o‘tkazildi.
https://t.me/islommarkazi
Mustaqillik to‘yonasi: Buxoroda 35 nafar bolajonning sunnat to‘yi o‘tkazildi
O‘zbekiston Respublikasi mustaqilligining 35 yilligi munosabati bilan Buxoro viloyatida aholining ijtimoiy himoyaga muhtoj qatlamlarini qo‘llab-quvvatlash va ularning ko‘ngliga quvonch ulashishga qaratilgan xayriya tadbirlari davom etmoqda.
Xususan, joriy yilning 9 avgust kuni «Vaqf» xayriya jamoat fondi Buxoro viloyati filiali, hududdagi masjidlar xodimlari va saxovatpesha homiylar hamkorligida ehtiyojmand oilalarning 35 nafar farzandi uchun sunnat to‘ylari tashkil etildi.
Tadbir doirasida to‘ybolalarning har biriga 35 ta velosiped, 35 to‘plam o‘quv qurollari hamda yangi kostyum-shim, ko‘ylak va oyoq kiyimlar to‘plami tantanali ravishda topshirildi.
Tantanali marosimda so‘z olganlar bolajonlar va ularning ota-onalariga ezgu tilaklar bildirib, farzandlarni sog‘lom, barkamol va dinu diyonatli insonlar etib tarbiyalash, ularga munosib ta’lim berish eng muhim vazifalardan biri ekanini ta’kidladilar.
Dinimiz va xalqimizga xos bo‘lgan mehr-oqibat, saxovat va insonparvarlik fazilatlarining amaliy ifodasi bo‘lgan bu kabi xayrli tadbirlarni «Vaqf» fondi tomonidan izchil davom ettirish rejalashtirilgan.
O‘zbekiston musulmonlari idorasi
Matbuot xizmati
