Inson qaysi kasb egasi bo'lishidan qat'i nazar, undagi eng katta muammo o'ziga ishonmaslik, eshituvchilar oldida gapirishdan qo'rqish, qattiq hayajonlanishdir. U xoh notiq bo'lsin, xoh tajribali odam bo'lsin, xoh lektsiyachi bo'lsin, xoh boshlang'ich o'rganuvchi bo'lsin, albatta mana shu muammoga duch keladi.
- Alloh taolodan yordam so'rang, ishingizni xolis Alloh uchun qiling, Undan yana tavfiq berishini, ishingizni oson qilishini so'rang!
- Nutqqa chiqishdan oldin ikki rakat namoz o'qing va Qur'ondan bir-necha oyat yoki sura o'qing!
- Biror solih amal qilib Allohga qurbat hosil qiling va istig'for ayting!
- O'zingizning kuch-quvvatingizga emas, Allohning qudratiga suyaning!
- O'zingiz uchun tezis tuzib oling va nutqingiz mavzusiga xos joylarini qayta-qayta o'qing!
- Gapiradigan mavzuingizni eslash oson bo'lishi uchun bir-biriga mantiqiy bog'liq holda tartiblab oling!
- Aytmoqchi bo'lganlaringiz yaxshilab mashq qiling, shunda xatolaringizni tushunib, nutq paytida xatoga yo'l qo'ymaysiz!
- Fikrlaringizni markazlashtirib beruvchi muqaddima tayyorlab oling va uni yaxshilab yodlab oling.
- O'zingizga “Sen bunga qodirsan, sen qila olasan, yuta olasan”, deya xitob qiling, shunda inshaalloh Allohning izni bilan g'alaba qozonasiz!
- Tashqi ko'rinishingizga ham yaxshilab e'tibor qarating. Tabiiy bo'ling, o'z harakteringiz bilan gapiring, ortiqcha takalluf, kimdirga o'xshab gapirishga harakat qilish umuman kerak emas!
- Improvizatsiya shaklida nutq qilishga harakat qiling, robot bo'lib qolmang! Varaqaga yoki planshetga qarab o'qib bermang. Oldingizga gaplaringizni sizga eslatib turadigan umumiy mavzular sarlavhasini qo'yib olsangiz kifoya.
- Hamma kerakli jihozlarni nutqqa chiqishdan oldin bitta ishlatib ko'rib tayyor holda keltirib qo'ying.
- Gapirganingizda shijoat bilan, dadil-dadil gapiring, uchrashi mumkin bo'lgan mavzuga aloqador qiyin savollarga bir qator tayyorlanib oling. O'zingizga uqtiringki, oliy darajalarga qiyinchiliklarni engmay erishib bo'lmaydi.
- Ba'zi qo'rqinchlarni oddiy holdek qabul qiling va o'zingizga eslatingki, hamma mashhur kishilar juda ko'p xatolar qila-qila hozirgi natijalariga erishishgan. Shunday ekan ishda muvaffaqiyatsizlikning zarari yo'q!
- O'zingizni yaxshi notiqdek tasavvur qiling va tinglovchilarni siz qatori oddiy odamlar deb biling. Yana shuni yodda tutingki, sizni tinglaydigan ko'pchilik odamlar gapiradiganingiz mavzuda hali bexabar.
- Bilingki, tinglovchilar harakatlarimiz diqqat bilan kuzatib o'tirishibdi, degan o'y-xayol bilan gapirsak, ko'pincha xatoga yo'l qo'yamiz!
- Nutq qilishni o'rganishni boshlaganingizda kichik davralarda gapirib mashq qilishdan boshlang, keyin asta-sekin notiqlik darajangizni o'stirib boring, bir xil qotib turmang. Har xil nutq uslublaridan foydalanib ko'ring. Agar birdaniga kattaroq davrada nutq qila olishga qobiliyatingiz va ishonchingiz bo'lsa, marhamat shunday qiling!
- Imkoni bo'lsa nutq asnosida qattiq biror ashyoni ushlab oling, masalan, hassanimi yoki minbarnimi.
- Gapni Allohga hamd-sano aytib boshlang.
- Tinglovchilarning ko'ziga qarab gapirishdan hayajonlansangiz, odamlarning boshidan biroz teparoqqa yoki ularning peshonasiga qarab gapiring.
- Yon-atrofga xotirjam qarab, bemalol harakatlanib, tayyorligingizni, o'zingizni ishonchingizni odamlarga bildirib qo'ying. Ohista, shoshmasdan gapiring, o'zingizni bo'sh qo'ying.
- So'zingiz boshida odamlarga o'zingizni tanishtiring va asosiy mavzuga kirishishdan oldin oson, hamma tushunadigan mavzulardan gapirib o'ting.
- Tanangizni ham gapirtiring, ya'ni qo'llaringizni gapingizga mos tarzda harakatlantiring, ba'zi-ba'zida odamlarga sekinqadam tashlab biroz yaqinlashing.
Iymon 
Namoz 
Ro'za 
Zakot 
Haj 
Qur'on 
Islom saboqlari 
Aloqa 
