Qur’onni hajr qilmanglar!
Bismillahir Rohmanir Rohiym
Qur’onni hajr (tark) qilmanglar
1. Agar: "...uni o‘rniga qo‘yib tilovat qiladiganlari....", kabi bo‘la olmasangiz, (Baqara surasi, 121-oyat).
2. Hech bo‘lmasa: "...undan muyassar bo‘lganicha qiroat qilinglar", kabi bo‘ling. (Muzzammil surasi, 20-oyat).
3. Agar unisini ham, bunisini ham yo‘qotsangiz: "...unga quloq solinglar va jim turinglar...", kabi bo‘ling. (A’rof surasi, 204-oyat).
Xorazmda yangi o‘quv yili oldidan xayriya tadbiri o‘tkazildi
Bugun, 10 avgust kuni Xorazm viloyati Urganch shahridagi «Oxun bobo» jome masjidida xayrli va saxovatpesha tadbir tashkil etildi.
O‘zbekiston Respublikasi mustaqilligining 35 yilligi hamda yaqinlashib kelayotgan yangi o‘quv yili munosabati bilan Urganch shahar bosh imom-xatibi Hasanboy domla va saxovatpesha homiylar tashabbusi bilan boquvchisini yo‘qotgan hamda kam ta’minlangan oilalar holidan xabar olindi.
Tadbir doirasida maktab yoshidagi o‘quvchilarga yangi o‘quv yili uchun zarur bo‘lgan maktab formasi, sumka va to‘liq o‘quv qurollari to‘plamlari tantanali ravishda topshirildi.
Marosim yakunida yurtimiz tinchligi, xonadonlar fayzu barakasi va xayrli ishga hissa qo‘shgan barcha saxovatpesha insonlar haqiga ezgu duolar qilindi.
O‘zbekiston musulmonlari idorasi
Matbuot xizmati