Malayziya – musulmonlar sayohat reytingida yetakchi!
Malayziya 2025 yilgi musulmonlar sayohati reytingida islom davlatlari orasida birinchi o‘rinni egalladi.
Malayziya bu yil “Mastercard-Crescent Rating” global musulmon sayohatlari indeksida birinchi o‘ringa ko‘tarildi, deb yozadi “IQNA” sayti “Travel Dayli media” nashriga tayanib.
Bu yil Malayziya 79 ball to‘plagan holda, yana birinchi o‘rinni egallab, umumjamoa hisobida peshqadamlikni qo‘lga kiritdi.
Saudiya Arabistoni, Turkiya va Birlashgan Arab Amirliklari ham 78 ochko bilan ikkinchi o‘rinni egalladi. Indoneziya bu yil to‘rt pog‘ona pastlab, 76 ball bilan Qatar bilan beshinchi o‘rinni bo‘lishdi.
Reytingdagi ushbu o‘zgarishlar o‘zgaruvchan global bozor konyunkturasini aks ettiradi. Buning esa o‘sish va raqobat uchun juda muhim ekanligi isbotlangan. Bu yilgi reytingni hisoblab chiqqan ekspertlar fikricha, Malayziyaning islom turizmi yo‘nalishi sifatidagi ko‘rsatkich va mashhurligi so‘nggi o‘n yil ichida barqarorligini saqlab qolmoqda.
Buni mamlakatning ichki va xalqaro sayohatchilarning ehtiyoj va afzalliklariga javob beradigan milliy halol turizm strategiyasini qabul qilish va amalga oshirish usuli bilan bog‘lash mumkin.
Shu maqsadda Malayziya hukumati va xususiy sektori halol sertifikatlash, inklyuziv turizm siyosati va mahalliy an’analar, islom merosi va zamonaviy texnologiyalarni o‘zida mujassam etgan madaniy o‘ziga xosligini mustahkamlashga katta sarmoya kiritdi.
Ilyosxon Ahmedov,
tayyorladi.
Mustaqillik bayrami arafasida Qashqadaryoda bosh imomlar yig‘ilishi bo‘lib o‘tdi
O‘zbekiston musulmonlari idorasining Qashqadaryo viloyati vakilligida shahar va tumanlar bosh imom-xatiblari ishtirokida yig‘ilish o‘tkazildi.
Tadbirni viloyat bosh imom-xatibi Rahmatillo domla Usmonov kirish so‘zi bilan ochib, yig‘ilganlarni yaqinlashib kelayotgan Mustaqilligimizning 35 yillik bayrami bilan samimiy muborakbod etdi. Uchrashuvda davlatimiz Rahbarining tegishli Farmoni bilan bir guruh diniy soha xodimlari «Imom Buxoriy» ordeni bilan taqdirlangani yurtimizda ma’naviy-ma’rifiy sohaga ko‘rsatilayotgan yuksak e’tibor va tarixiy voqea ekani alohida e’tirof etildi.
Yig‘ilishda «Yagona Vatan, yagona xalq bo‘lib, yangi hayot va kelajak yaratamiz!» ezgu shiori ostida vohada amalga oshirilayotgan xayrli ishlar, yoshlarni Vatanga sadoqat va milliy-diniy qadriyatlarga hurmat ruhida tarbiyalash borasidagi faoliyat sarhisob qilindi.
Shuningdek, tadbir davomida imom-xatiblarga quyidagi ustuvor vazifalar yuklatildi:
-
Ehtiyojmand, boquvchisini yo‘qotgan va yakka-yolg‘iz keksalar holidan muntazam xabar olish;
-
Oilalar totuvligini mustahkamlash va mahallalarda ijtimoiy-ma’naviy muhit barqarorligini ta’minlash;
-
Masjidlar, qadamjolar va qabristonlarni obodonlashtirish hamda tozalik tadbirlarida faollik ko‘rsatish.
Yig‘ilish yakunida diniy soha xodimlarining kelgusi faoliyatiga muvaffaqiyatlar tilandi.
O‘zbekiston musulmonlari idorasi
Qashqadaryo viloyati vakilligi
Matbuot xizmati