Mehriboning bo‘laman, bolam!
Har yili aynan o‘quv yili boshlanishidan avval O‘zbekiston musulmonlari idorasi huzuridagi “Vaqf” xayriya jamoat fondi ko‘plab ehtiyojmand oilalarda voyaga yetayotgan minglab bolalar uchun kutilmagan sovg‘a hozirlaydi. Boquvchisi yo‘q, ko‘ngli o‘ksik bolajonlarga o‘quv qurollari, maktab formalari tortiq qiladi.
Bu yil ham an’ana davom etmoqda. Ayni paytda fond va uning hududlardagi filiallari tomonidan ana shunday bolajonlarga zarur o‘quv qurollari va kiyim-kechaklar sovg‘a qilinmoqda. Xususan, “Vaqf” xayriya jamoat fondining Navoiy viloyati filiali tomonidan homiylarni jalb qilgan holda ikki kun davomida kam ta’minlangan, boquvchisi yo‘q oilalarning 23 nafar farzandiga maktab formalari, o‘quv qurollari va sumkalar olib berildi.
Aziz yurtdoshlar! “Vaqf” xayriya jamoat fondi “Mehriboning bo‘laman, bolam!” aksiyasi doirasida BESH ming nafar yetim bolajonlarga xursandchilik ulashishni, ularga barcha zarur o‘quv qurollari, forma va sumkalar olib berishni niyat qilgan.
Siz ham aksiyada faol ishtirok eting. Bizning barcha viloyatlardagi bazalarimizga ehson qilmoqchi bo‘lgan maktab sumkasi, o‘quv qurollari, forma va moddiy yordamlaringizni olib keling.
EHSON QILING, AZIZLAR!
UZ CARD: 5614 6821 2355 1733
HUMO: 9860 1701 0179 1524
Union pay: 6210 4501 6449 4569
VISA: 4023 0602 0855 9012
Hamma plastik kartalar YULCHIEV ALIJON nomida.
Vaqf.uz
Mustaqillik bayrami arafasida Qashqadaryoda bosh imomlar yig‘ilishi bo‘lib o‘tdi
O‘zbekiston musulmonlari idorasining Qashqadaryo viloyati vakilligida shahar va tumanlar bosh imom-xatiblari ishtirokida yig‘ilish o‘tkazildi.
Tadbirni viloyat bosh imom-xatibi Rahmatillo domla Usmonov kirish so‘zi bilan ochib, yig‘ilganlarni yaqinlashib kelayotgan Mustaqilligimizning 35 yillik bayrami bilan samimiy muborakbod etdi. Uchrashuvda davlatimiz Rahbarining tegishli Farmoni bilan bir guruh diniy soha xodimlari «Imom Buxoriy» ordeni bilan taqdirlangani yurtimizda ma’naviy-ma’rifiy sohaga ko‘rsatilayotgan yuksak e’tibor va tarixiy voqea ekani alohida e’tirof etildi.
Yig‘ilishda «Yagona Vatan, yagona xalq bo‘lib, yangi hayot va kelajak yaratamiz!» ezgu shiori ostida vohada amalga oshirilayotgan xayrli ishlar, yoshlarni Vatanga sadoqat va milliy-diniy qadriyatlarga hurmat ruhida tarbiyalash borasidagi faoliyat sarhisob qilindi.
Shuningdek, tadbir davomida imom-xatiblarga quyidagi ustuvor vazifalar yuklatildi:
-
Ehtiyojmand, boquvchisini yo‘qotgan va yakka-yolg‘iz keksalar holidan muntazam xabar olish;
-
Oilalar totuvligini mustahkamlash va mahallalarda ijtimoiy-ma’naviy muhit barqarorligini ta’minlash;
-
Masjidlar, qadamjolar va qabristonlarni obodonlashtirish hamda tozalik tadbirlarida faollik ko‘rsatish.
Yig‘ilish yakunida diniy soha xodimlarining kelgusi faoliyatiga muvaffaqiyatlar tilandi.
O‘zbekiston musulmonlari idorasi
Qashqadaryo viloyati vakilligi
Matbuot xizmati