Yangi o‘quv yili boshlanish sanasi ma’lum bo‘ldi
O‘zbekiston musulmonlari idorasining tegishli buyrug‘i bilan oliy va o‘rta maxsus diniy ta’lim muassasalarida yangi 2025/2026-o‘quv yilini boshlash sanalari tasdiqlandi.
Unga ko‘ra:
o‘rta maxsus diniy ta’lim muassasalarining barcha kurs talabalari va oliy diniy ta’lim muassasalarining 1-kurs talabalari uchun dars jarayonlari 2025 yil 3 sentyabrdan;
oliy diniy ta’lim muassasalarining ikkinchi va undan yuqori kurs talabalari uchun 8 sentyabrdan boshlanadi.
O‘zbekiston musulmonlari idorasi
Matbuot xizmati
Turkiy davlatlar muftiylari Boku shahrida jamlanadi
Joriy yilning 13–16 sentyabr kunlari Ozarboyjon poytaxti Boku shahrida Turkiy davlatlar muftiylari kengashining navbatdagi VII yig‘ilishi hamda uning doirasidagi bir qator tadbirlar bo‘lib o‘tadi.
Yig‘inlarda turkiy dunyoning yetakchi din peshvolari – O‘zbekiston musulmonlari idorasi raisi, muftiy Shayx Nuriddin Xoliqnazar, Kavkaz musulmonlari idorasi raisi, Shayxulislom Allohshukur Poshshozoda, Turkiya Diyonat ishlari boshqarmasi raisi Safi Arpagush, Qozog‘iston musulmonlari diniy boshqarmasi raisi, bosh muftiy Navro‘zbay hoji Tag‘anuli, Qirg‘iziston musulmonlari diniy nazorati raisi, muftiy Abdulaziz qori Zakirov, Turkmaniston muftiyci Rahmon Qurbonmurodov kabilar boshchiligidagi turkiy davlatlar ulamolaridan iborat delegatsiyalar ishtirok etadi.
Mamlakatimiz delegatsiyasi safidan O‘zbekiston musulmonlari idorasi Ulamolar Kengashi, Fatvo markazi, hududiy vakilliklar hamda oliy diniy ta’lim muassasalaridan vakillar joy olgan.
Tadbirlar doirasida ulamolar musulmon ummati uchun muhim bo‘lgan shar’iy masalalar, zamonaviy fatvolar va mushtarak tashabbuslarni muhokama qilib, yakuniy hujjatlarni imzolaydilar. Shuningdek, ilmiy-amaliy anjuman, ikki tomonlama muzokaralar hamda tabarruk qadamjolar ziyorati ham rejalashtirilgan.
O‘zbekiston musulmonlari idorasi Matbuot xizmati
- «
- »