O‘zbekiston Respublikasi davlat mustaqilligining 34 yilligi munosabati bilan Namanganda diniy soha xodimlari o‘rtasida “Vatan uchun, millat uchun, xalq uchun!” shiori ostida futbol, stol tennisi, shaxmat va shashka bo‘yicha musobaqalar boshlandi.
 

Tantanali ochilish marosimida viloyat hokimining o‘rinbosari Jamshed Xatamov va bosh imom-xatib Musoxon domla Abbosiddinov ishtirokchilarga murojaat qilib, musobaqaning ahamiyati haqida to‘xtaldi va barchaga omad tiladilar.

16 jamoa ishtirok etgan futbol bellashuvlarida Hidoya o‘rta maxsus ta’lim muassasasi, Namangan shahar, Davlatobod va Chortoq tumanlari yarim finalga yo‘l oldi. Yarim final va final bahslari ertaga bo‘lib o‘tadi.

Shuningdek, imom-xatiblar va imom-noiblar o‘rtasida stol tennisi, otinoyilar o‘rtasida shaxmat va shashka musobaqalari ham qizg‘in tarzda o‘tdi. G‘oliblar ertaga futbol finalidan so‘ng taqdirlanadi.

O‘zbekiston musulmonlari idorasi
Namangan viloyati vakilligi
Matbuot xizmati