Mavlidi sharif shukuhi (video+)
#Mavlid_shukuhi
OLAMLARGA RAHMAT PAYG‘AMBAR ﷺ
Robi’ul avval oyi – musulmonlar uchun ulkan baxtu saodat, xursandchilik oyi bo‘lib, bu oyda butun olamlarga rahmat, ikki jahon sarvari, Payg‘ambari Muhammad ﷺ tavallud topganlar. Bu oyni musulmonlar o‘zgacha tayyorgarlik bilan kutib olishadi va Rasululloh ﷺga bo‘lgan muhabbatning kichik bir ko‘rinishi sifatida mavlidi sharif tadbirlari o‘tkaziladi, u zotning siyratlarini o‘rganishga alohida e’tibor qaratiladi.
Juma kuni Toshkent shahrining barcha jome masjidlarida Mavlidi sharif o‘qildi hamda juma namozi ko‘tarinki kayfiyatda ado etildi.
Shuningdek, jamoat bilan birgalikda xayrli duolar qilindi.
Allohim, Payg‘ambarimiz Muhammad sollallohu alayhi vasallamga munosib ummat bo‘lishni nasibi ro‘zi aylagin!
MuslimShosh.uz
Xushxabar: “Fatvolar to‘plami” kitobining 3-juzi nashrdan chiqdi
Yaqinda O‘zbekiston musulmonlari idorasi raisi, muftiy Shayx Nuriddin Xoliqnazar hazratlari boshchiligida Fatvo markazi ulamolari tomonidan tayyorlangan “Fatvolar to‘plami” kitobining 3-juzi nashr etildi.
Kitobda yurtdoshlarimiz tomonidan eng ko‘p so‘ralgan savollarga javoblar aks etgan. Mazkur asar sodda uslubda, hanafiy mazhabimizdagi mo‘tabar fiqhiy manbalarga asoslangan holda tayyorlangan.
Ushbu kitobdan aqida, tahorat, namoz, zakot, ro‘za, haj-umra, qurbonlik, savdo-sotiq, ijara, nikoh, qasam, nazr, emizish, taloq, meros, ta’qiq va ruxsatlar, tib, Islom tarixi, Qur’on, zikr, fazilatli amallar kabi mavzulardagi qiziqarli savollarga batafsil javob topishingiz mumkin.
Kitobning hajmi: 584 bet;
Muqovasi: Qattiq, zarhal
Nashriyot: “Shamsiddinxon Boboxonov” NMIU
Ulgurchi oluvchilar murojaat qilishlari uchun:
+998917806633
@fatvo_reception
O‘zbekiston musulmonlari idorasi
Matbuot xizmati
- «
- »