Qiyomatning 3 alomati
حدثنا الحسن بن علي بن عفان العامري نا الحسن بن عطية عن الحكم عن قتادة عن سالم عن أبيه قال: لقي عبد الله رجلا فقال: السلام عليكم يا ابن مسعود فقال عبد الله: صدق الله ورسوله قال رسول الله صلى الله عليه وعلى آله وسلم: ”إن من أشراط الساعة أن يمر الرجل في المسجد لا يصلي فيه ركعتين ولا يسلم إلا على من يعرف وأن يبرد الصبي الشيخ.“
Solim otasidan rivoyat qiladi: “Abdulloh bir kishiga duch kelib qoldi. U: “Assalomu alaykum, ey Ibn Mas’ud”, dedi. Abdulloh: “Alloh va Uning rasuli rost so‘zlagan. Rasululloh sollallohu alayhi va ’alaa olihi vasallam: “Kishining masjid ichidan o‘tib, ikki rakat namoz o‘qimasligi, faqat tanigan kishilarigagina salom berishi va yosh go‘dak (o‘zining biror ishi bilan) qariyani elchi qilib yuborishi qiyomat alomatlaridandir”, deganlar”.
Abu Said Haysam ibn Kulayb Shoshiyning
“Musnadi Shoshiy” asaridan
Davron NURMUHAMMAD tarjimasi
Imom Buxoriy nomidagi Toshkent islom instituti haqida bilasizmi?
#2025_2026_yillik_hisobot
Imom Buxoriy nomidagi Toshkent islom instituti 1971 yil tashkil etilgan oliy diniy ta’lim muassasasi hisoblanadi.
Bugungi kunda institutda:
14 ta tarkibiy bo‘limda 91 nafar xodim;
5 ta kafedrada 106 nafar professor-o‘qituvchi faoliyat yuritmoqda.
Institutda jami 594 nafar talaba tahsil olmoqda. Ulardan:
20 nafar magistrant (4 nafar ayol-qiz);
225 nafar bakalavr (57 nafar ayol-qiz);
352 nafar modul ta’lim tizimi tinglovchilari.
Ta’lim shakllari:
• kunduzgi bakalavriat;
• kunduzgi magistratura;
• modul (maxsus sirtqi) ta’limi.
Ta’lim muddati:
• bakalavriat — 4 yil;
• magistratura — 2 yil;
• modul ta’limida imomlar — 3 yil;
• imom noiblari — 4 yil.
Ta’lim yo‘nalishlari:
Bakalavriat:
• 60220200 — «Islomshunoslik»;
• 60220700 — «Teologiya».
Magistratura:
• 70220701 — «Teologiya».
Bitiruvchilarga davlat namunasidagi diplom beriladi. Ushbu diplom O‘zbekiston Respublikasida oliy diniy ta’lim sohasidagi tegishli mutaxassisliklar bo‘yicha bakalavr va magistr darajasini tasdiqlovchi rasmiy hujjat hisoblanadi.
Manzil: Toshkent shahri, Olmazor tumani, Zarqaynar 18-berk ko‘chasi, 47-uy, 100002.
Telefon: (71) 240-03-58
@oliymahad – diniy-ma’rifiy kanali.
Oliymahad.uz
