Misrda “ikkinchi Sharm al-Shayx” shahri quriladi
Misr hukumati O'rta Yer dengizi sohilida yirik kurort maskan barpo qilish uchun BAAdan ko'p milliard dollarlik sarmoya jalb qilmoqchi. “RIA Novosti”ning Rossiya Turoperatorlari assotsiatsiyasiga tayanib xabar berishicha, Shimoliy qirg'oq mintaqasini rivojlantirish rejasiga kiritilgan loyiha Misr hukumati va xususiy sektor o'rtasidagi hamkorlik doirasida amalga oshirilmoqda.
BAA konsortsiumi loyihaga kamida 22 milliard dollar miqdoridagi sarmoya kiritmoqchi. Rossiya Turoperatorlari assotsiatsiyasi (ATOR) ekspertlarining ta'kidlashicha, Misr o'zining yirik tashqi qarzlarini to'lash uchun tashqi moliyalashtirishga juda muhtoj, bu esa hukumatni davlat aktivlarini sotish va xususiy sarmoyalarni rag'batlantirishga majbur qiladi.
Infratuzilmasi bo'yicha Qizil dengiz Sharm ash-Shayxga teng keladigan kurort yaratish uchun besh yil kerak bo'ladi. “Ras al-Hikma” shahri Misrning Shimoliy (O'rta er dengizi) sohilida joylashgan Marsa Matruh viloyatiga tegishli. U Iskandariya va Marsa Matruh o'rtasida xalqaro aeroportdan 87 kilometr uzoqlikda joylashgan.
Mahalliy qirg'oq chizig'i yumshoq va oq qumi va dengizga qulay kirishi bilan mashhur. Ushbu hududda keng ko'lamli kurort yaratish rejalari 1975 yilda e'lon qilingan, ammo bu loyiha hech qachon amalga oshirilmagan. Shimoli-g'arbiy sohilda, xususan,” Ras al-Hikma”da kichik sayyohlik qishloqlari va shaharchalari paydo bo'ldi, ularga issiq havoda Qohira va Iskandariya aholisi kelishadi.
Misr OAV ma'lumotlariga ko'ra, o'tgan yozda bu hududda ko'chmas mulkni sotib olish va ijaraga olishga bo'lgan talab o'tgan yilga nisbatan to'rt barobar oshdi. Misr ko'chmas mulk agentliklari “Ras al-Hikma”ni shimoliy qirg'oqdagi eng yaxshi dam olish maskani sifatida belgilaydi (“Islam-today”).
O'zbekiston musulmonlari idorasi
Matbuot xizmati
Bir marta "Subhanalloh" deyish uchun fursat berilsa...
Bismillahir Rohmanir Rohiym.
Alloh taologa bitmas-tuganmas hamdu sanolar bo‘lsin.
Payg‘ambarimizga mukammal va batamom salavotu durudlar bo‘lsin.
O‘lim bir eshik. Barcha insonlar undan o‘tadi. Eh koshki, bu eshikka kirgandan keyin mening uyim qanaqaligi ma’lum bo‘lsa?!
Birodar! Qarang, qabrdagilar bir-birlariga juda yaqin yotishibdi. Lekin ular sirtdan yaqin qo‘shni. Aslida esa, bir-birlarining yoniga ham bora olmaydilar.
Usmon roziyallohu anhu qachon qabr yonidan o‘tsalar, shu darajada yig‘lar edilarki, soqollari ko‘z yoshlaridan ho‘l bo‘lib ketardi.
U kishidan: "Siz nega jannat va do‘zaxni esga olganingizda yig‘lamaysiz. Lekin qabrni ko‘rib yig‘laysiz?" deb so‘rashdi. U kishi shunday dedilar: «Rasululloh sollallohu alayhi vasallam: "Qabr oxiratning ilk manzilidir", deganlar. Shunga ko‘ra, agar mayyit qabrdagi azobdan najot topsa, undan keyingi hayot oson bo‘ladi. Agar qabrdagi azobdan najot topa olmasa, u holda undan keyingi hayot qiyin bo‘ladi.
Yana Rasululloh sollallohu alayhi vasallam: "Men qabrdan ko‘ra daxshatliroq biror manzarani ko‘rmadim", deganlar.
Biz uchun bu qabrlarda ibrat yo‘qmi? Qarang, boy ham, faqir ham, zo‘ravon ham, kuchsiz ham, oq tanli ham, qora tanli ham, podshoh ham, fuqaro ham barcha barobar yotibdi. Ular dunyoga qaytishni xohlaydilar. Boylik jamlash yoki qasr qurish uchun emas, balki, koshki men bir namoz o‘qish uchun muhlat topsam, koshki bizga bir martagina "Subhanalloh" deyish uchun fursat berilsa, deb, shu amallarni qilish uchun dunyoga qaytishni xohlaydilar. Lekin endi iloji yo‘q. Nomai a’mol yopilib bo‘ldi. Ruh jismdan chiqqan. Hayot muhlati tugab bo‘lgan. Endi har bir mayyit o‘z amalining garovi o‘laroq qabrida yotibdi...
«Nasihatlar guldastasi» kitobidan