Joriy yilning 16 fevral' kuni, O'zbekiston musulmonlari idorasi tomonidan belgilangan rejaga asosan Buxoro viloyatida faoliyat olib borayotgan rasmiy otinoyilar uchun bilim va malaka imtihonlarining navbatdagisi bo'lib o'tdi.

Mazkur jarayonda O'MI Buxoro viloyati vakili Jobir domla Elov, vakil o'rinbosari Otabek domla Avezov, Din ishlari bo'yicha qo'mitaning viloyat boshqarmasi bosh mutaxassisi Yusuf Salomov, viloyat bosh imom-xatibining xotin qizlar masalalari bo'yicha mas'uli Rizvonoy Bahramovalar hamda viloyatda faoliyat yuritayotgan otinoyilar ishtirok etdi.
Malakaviy sinovlarda tajribali va yuqori salohiyatga ega otinoyilar munosib baholandi va bunday malakaviy sinov imtihonlari yakuniga etdi.
O'tkazilayotgan imtihondan asosiy maqsad otinoyilarning professional malakasi va kasbiga munosibligi darajasini xolisona baholash, zimmasiga yuklangan vazifalar hamda funktsiyalarni bajarish yuzasidan mas'uliyatini oshirishdan iboratdir.

O'zbekiston musulmonlari idorasi Matbuot xizmati