Sirdaryo viloyatida tajvid darslari
Xabaringiz bor, O‘zbekiston musulmonlari idorasi, muftiy Shayx Nuriddin Xoliqnazar hazratlarining tashabbuslari bilan imom-xatiblar va imom noiblari uchun navbatdagi maxsus "Tajvid darslari" boshlandi.
Bugun, 19 noyabr kuni Sirdaryo viloyatida "Tajvid darslari"ning ilk mashg‘ulotlari bo‘lib o‘tdi. "Qur’on va tajvidni o‘rgatish" hamda Masjidlar bilan ishlash bo‘limlari hamkorligida tashkil etilgan ushbu dars oldidan "Qur’on va tajvidni o‘rgatish" bo‘limi boshlig‘i, o‘n qiroat sohibi Ustoz Shayx Alijon qori Fayzulloh Maxdum tajvid ilmining fazilati va uning imomlik vazifasidagi ahamiyati haqida ma’ruza qildi.
Viloyat bosh imom-xatibi Habibulloh domla Zokirov imom-xatiblar va imom noiblar uchun tashkil qilingan bunday "Tajvid darslari" yurtimizda ilm ahlining darajasini yanada oshirishini ta’kidladi.
Sirdaryo viloyatida Abdusamad qori Mamasoliyev amaliy mashg‘ulot olib bormoqda.
O‘zbekiston musulmonlari idorasi
Matbuot xizmati
Xonadonlarga mehr, ko‘ngillarga umid taratgan bayram
O‘zbekiston musulmonlari idorasi raisi Shayx Nuriddin Xoliqnazar tashabbuslari bilan O‘zbekiston Respublikasi Mustaqilligining 35 yilligi munosabati bilan Qoraqalpog‘iston musulmonlari qoziyati va qoziyotga qarashli barcha masjid imom-xatiblari tomonidan nuroniy keksalar, mehnat faxriylari hamda yordamga muhtoj oilalarning holidan xabar olindi. Tadbir doirasida muhtoj oilalarning turmushini yengillashtirish maqsadida bir oilaga zamonaviy quyosh paneli o‘rnatib berilib, qo‘shimcha bayram sovg‘alari topshirildi. Bunday xayriya tashabbuslari jamiyatda o‘zaro ahillik, mehr-oqibat va inson qadrini ulug‘lash muhitini yanada mustahkamlashga xizmat qiladi.
Qoraqalpog‘iston musulmonlari qoziyoti
