Samarqand imomlari uchun qiroat darslari boshlandi
Muftiy hazratlarining tashabbusi va ko‘rsatmalari asosida Samarqand viloyatida faoliyat yuritayotgan imom-xatiblar hamda imom-noiblar uchun qiroat fanidan maxsus o‘quv darslari tashkil etildi.
Mazkur mashg‘ulotlar Shayx Alijon qori rahbarligida tajribali ustozlar ishtirokida olib borilmoqda. Darslar davomida Qur’oni karimni to‘g‘ri, qoidalarga muvofiq va chiroyli qiroat qilish masalalariga alohida e’tibor qaratilmoqda.
Jumladan, Shayx Alijon qorining shogirdlari — Eshqobilov Abdulbosit qori imom-xatiblarning qiroatini tinglab, ularga amaliy tavsiya va maslahatlar berib bormoqdalar.
Ushbu tajvid darslari imom-xatiblarning qiroat mahoratini oshirish, Qur’on tilovatini yanada mukammal o‘rganish hamda diniy xizmat sifati va samaradorligini yuksaltirishga xizmat qilishi ta’kidlanmoqda.
Sammuslim.uz
Xonadonlarga mehr, ko‘ngillarga umid taratgan bayram
O‘zbekiston musulmonlari idorasi raisi Shayx Nuriddin Xoliqnazar tashabbuslari bilan O‘zbekiston Respublikasi Mustaqilligining 35 yilligi munosabati bilan Qoraqalpog‘iston musulmonlari qoziyati va qoziyotga qarashli barcha masjid imom-xatiblari tomonidan nuroniy keksalar, mehnat faxriylari hamda yordamga muhtoj oilalarning holidan xabar olindi. Tadbir doirasida muhtoj oilalarning turmushini yengillashtirish maqsadida bir oilaga zamonaviy quyosh paneli o‘rnatib berilib, qo‘shimcha bayram sovg‘alari topshirildi. Bunday xayriya tashabbuslari jamiyatda o‘zaro ahillik, mehr-oqibat va inson qadrini ulug‘lash muhitini yanada mustahkamlashga xizmat qiladi.
Qoraqalpog‘iston musulmonlari qoziyoti
