"Aql"ga uylangan olim
Aytishlaricha, Molik ibn Nabiyning ayoliga uylanishiga bir sabab bo‘lgan.
U doim kutubxonaga borib turardi va ma’lum bir kitoblarni izlab so‘rardi.
Unga: “Bu kitoblar bir qizga foydalanishga berilgan”, deb javob berishardi.
Molik ibn Nabiy o‘sha qizni surishtirib topdi va (yoqtirib qolib) unga uylandi. U jismga uylanishdan oldin aqlga uylandi (ya’ni uning aqli zakovati, bilimini avvalgi o‘ringa qo‘ydi).
Oliy ma’hadning 1-kurs talabalari O‘zbekiston musulmonlari idorasi faoliyati bilan tanishtirildi
Imom Buxoriy nomidagi Toshkent islom institutiga yangi qabul qilingan 1-kurs talabalari O‘zbekiston musulmonlari idorasi raisi o‘rinbosari ustoz Zayniddin domla hamrohligida idora faoliyati bilan yaqindan tanishdilar.
Tanishuv davomida talabalarga O‘zbekiston musulmonlari idorasining tarixi, tuzilmasi, asosiy vazifalari va faoliyat yo‘nalishlari haqida ma’lumot berildi. Shuningdek, diniy-ma’rifiy sohada amalga oshirilayotgan ishlar, ta’lim va ma’rifat yo‘nalishidagi loyihalar xususida so‘z yuritildi.
Talabalar idora faoliyatiga oid o‘zlarini qiziqtirgan savollarga javob olib, kelgusidagi ta’lim va kasbiy faoliyatlari uchun muhim ma’lumotlarga ega bo‘ldilar.
O‘zbekiston musulmonlari idorasi Matbuot xizmati
