Har bir inson sinovdadir
Bismillahir Rohmanir Rohiym.
Alloh taologa bitmas-tuganmas hamdu sanolar bo‘lsin.
Payg‘ambarimizga mukammal va batamom salavotu durudlar bo‘lsin.
Nihoyat, Amr ibn Osning qalbi islom nurini ko‘rdi. Makkadan Rasululloh sollallohu alayhi vasallamning huzurlarida Islomga kirish uchun Madina sari yo‘lga tushdi. Yo‘lda Xolid ibn Validga uchradi. U ham Madinaga musulmon bo‘lish uchun ketayotgan ekan. Qurayshning eng aqlli va zakiysi hamda uning bemisl qahramoni bir kunda Islomga kirishdi.
Dinimizning ajoyibligiga qarang! Shaharlardan oldin qalblarni fath qiladi. Qo‘rg‘onlardan oldin ko‘ngillarni egallaydi!
Amr ibn Os masjidga borib, Rasululloh sollallohu alayhi vasallamga dedi:
- Ey Allohning Rasuli! Qo‘lingizni oching, bay’at qilaman!
Nabiy sollallohu alayhi vasallam qo‘llarini ochdilar. Ammo Amr qo‘lini musht qilib oldi. Shunda Rasululloh sollallohu alayhi vasallam so‘radilar:
- Senga nima bo‘ldi, Amr?
- Shartim bor!
- Sharting nima ekan?
- Mening mag‘firat qilinishim!
Rasululloh sollallohu alayhi vasallam:
Bilmaysanmi, Islom oldingi gunohlarni yo‘qotib tashlaydi! - dedilar.
Tavba yangidan islomga kirishdir. Alloh tomon yuzlaning. Gunohingiz har qancha katta bo‘lmasin, afvdan umid uzmang. Shirkdan ko‘ra katta gunoh yo‘q. Zino, o‘g‘irlik, ribo yeyish qanchalar katta gunoh bo‘lmasin, shirkning oldida kichikdir. Shunday bo‘lsa-da, mushrik agar shirkini tark qilib, Allohga qalbi bilan yuzlansa, uning oldingi gunohlari kechiriladi. Endi osiy musulmonni kechirishi uning gunohlari qanchalik katta bo‘lmasin, albatta, loyiq va munosib bo‘ladi!
Insonlarning gunohlari qanchalar katta bo‘lmasin, Allohning mag‘firati undan-da, kattadir!
Tavbaning uchta sharti bor:
1. Darhol o‘sha gunoxdan saqlanish.
2. Pushaymon bo‘lib o‘sha gunohga qaytmaslikka azm etish. Agar zaiflik qilib, yana gunohga qaytib qolsa, yana tavba qilish.
Mening qalbimga o‘rnashib qolgan bir hadis bor, unda Rasululloh sollallohu alayhi vasallam shunday marhamat qilganlar: «Mo‘min bandaning vaqti-vaqti bilan qilib turadigan gunohi bo‘ladi. Dunyodan o‘tgunicha ajrala olmaydigan gunohi bo‘ladi. Mo‘min kishi sinovdadir (Alloh uni balo, gunoh va fitnalar bilan sinaydi), u ko‘p tavba qiluvchi bo‘ladi, u (qilgan gunohlarini) unutuvchi bo‘ladi. Agar unga eslatilsa, eslaydi (ya’ni Allohning azobi eslatilsa, eslab gunohidan qaytadi)».
Imom Tabaroniy rivoyat qilgan, sahih.
3. Agar birovlarning haqqini yegan, yerini tortib olgan yoki merosda boshqaning ulushini egallab olgan bo‘lsa, ularni qaytarib tavba qilinadi.
Agar bir kunda ming marta gunoh qilsangiz, Allohga ming marta tavba qiling. Shayton eng ko‘p istaydigan narsa bandaning noumidligidir. Umidni uzishdan saqlaning!
«Nabaviy tarbiya» kitobi asosida tayyorlandi
“Al Jarida” gazetasi: O‘zbekiston – tarix, madaniyat va zamonaviylik uyg‘unlashgan yurt
Kuvaytning “Al Jarida” gazetasida jurnalist Rabih Kallasning O‘zbekistonga sayohati davomida olgan taassurotlari asosida tayyorlangan maqolalari e’lon qilindi, deb xabar bermoqda “Dunyo” AA.
“Toshkent – Markaziy Osiyoning durdonasi va kuvaytliklar uchun munosib sayyohlik manzili” hamda “Samarqand – asrlar osha dunyoni hayratga solayotgan shahar” sarlavhali materiallarda o‘zbek xalqining mehmondo‘stligi, shahardagi xavfsizlik va tozalik, zamonaviy infratuzilma hamda Ipak yo‘lining boy merosi haqida ma’lumotlar keltirilgan.
Muallifning ta’kidlashicha, O‘zbekiston poytaxti xavfsizlik, mehmondo‘stlik va islomiy merosni uyg‘unlashtirgan shahar hisoblanadi. Toshkentning keng va toza ko‘chalari, tinch-totuv muhiti sayyohlarda katta taassurot qoldiradi. Toshkent metrosining betakror me’morchiligi, yangi barpo etilgan Islom sivilizatsiyasi markazi mintaqa madaniy yuksalishida muhim o‘ringa ega.
Maqolalarda 2700 yildan ortiq tarixga ega Samarqand shahrining Buyuk Ipak yo‘li chorrahasidagi strategik ahamiyati haqida so‘z yuritilgan. Amir Temur va Temuriylar davrida gullab-yashnagan ushbu shaharning Registon maydoni, Shohi Zinda majmuasi, Go‘ri Amir maqbarasi va Mirzo Ulug‘bek rasadxonasi kabi me’moriy durdonalari Sharq sivilizatsiyasining yuksak namunasi sifatida tavsiflanadi.
Jurnalist O‘zbekistonga sayohat Fors ko‘rfazi davlatlaridan, xususan, Kuvaytdan keluvchi oilaviy turistlar uchun eng qulay va jozibador yo‘nalish ekanini ta’kidlagan. Mamlakatdagi betakror milliy oshxonalar, halol taomlar, zamonaviy “Afrosiyob” tezyurar poyezdlari qatnovi sayohatni yanada mazmunli qiladi.
O‘zbekiston musulmonlari idorasi Matbuot xizmati