Sayt test holatida ishlamoqda!
20 Iyul, 2025   |   25 Muharram, 1447

Toshkent shahri
Tong
03:29
Quyosh
05:07
Peshin
12:34
Asr
17:38
Shom
19:55
Xufton
21:26
Bismillah
20 Iyul, 2025, 25 Muharram, 1447

Ramazon oyida BAA aholisini ko'plab imtiyozlar kutmoqda

17.03.2023   1121   1 min.
Ramazon oyida BAA aholisini ko'plab imtiyozlar kutmoqda

Muborak Ramazon oyida Dubaydagi “Union Coop” gipermarketlari tarmog'i 10 000 dona mahsulot narxini 75 foizga pasaytiradi. Chegirmalar, “Russkiye Emiratie” matbuoti xabariga ko'ra, eng iste'mol talab oziq-ovqat va nooziq-ovqat mahsulotlariga nisbatan qo'llaniladi. Chakana sotuvchilarning ta'kidlashicha, chegirmalar mahsulot sifatiga ta'sir qilmaydi.
Shuningdek, Birlashgan Arab Amirliklari aholisi Ramazon oyida bir qator o'zgarishlarni kutishmoqda. Avvalo, davlat va xususiy sektor xodimlarining ish kuni ikki soatga qisqartiriladi. Ushbu qoida barcha din vakillariga taalluqlidir va bu ish haqining kamayishiga olib kelmaydi. Maktab o'quvchilari ham qisqartirilgan jadvalda o'qishadi: dushanbadan payshanbagacha soat 08:00 dan 13:00 gacha, juma kunlari esa soat 8:00 dan 11:30 gacha. Ro'zadorlar uchun jismoniy tarbiya va suzish darslari bekor qilinadi, musiqa darslari cholg'u asboblaridan foydalanmasdan o'tkaziladi. O'qituvchilar ham uy vazifasini kamaytiradi. Supermarket va oziq-ovqat do'konlari odatdagidan biroz uzaytirilgan vaqt tartibida ishlaydi. Ko'pgina tamaddixonalar ro'za kunlari ish vaqtini saharlikgacha uzaytiradi.
Birlashgan Arab Amirliklari Astronomiya jamiyati raisi Ibrohim al-Jarvonning ma'lumotlariga ko'ra, mamlakatda Ramazon bu yilning 23 martida boshlanib, Ramazon Hayiti 21 aprel', juma kuni bo'lishi kutilmoqda. Shunday qilib, Ramazon 29 kun davom etadi.
Ramazon oyi ro'zasini tutishning o'rtacha davomiyligi 14 soatni tashkil etib, ro'zadorlar Ramazon oyining boshida 13 soat 30 daqiqa, oxirgi haftasida esa deyarli 14 soat 13 daqiqa ro'za tutadilar.

 

O'MI Matbuot xizmati

Dunyo yangiliklari
Boshqa maqolalar
Yangiliklar

Hoji – tinchlik va ma’naviyat targ‘ibotchisi

17.07.2025   6840   3 min.
Hoji – tinchlik va ma’naviyat targ‘ibotchisi

#Sayyor_yig‘ilish

Xabaringiz bor, shu yil haj mavsumida  xurmatli  Prezidentimiz O‘zbekiston musulmonlari idorasi raisi, Shayx Nuriddin Xoliqnazar hazratlari bilan telefon orqali muloqot qilib, hojilarning hol-ahvollarini so‘radilar.

Bu yil yurtimizdan hajga borgan yurtdoshlarimiz Arafot vodiysida muftiy, Shayx Nuriddin Xoliqnazar hazratlari boshchiliklarida yurtga qaytgach, «Yangi O‘zbekistonning tinchlik va ma’naviyat targ‘ibotchilari bo‘lamiz» degan ezgu tashabbusni ilgari surgan edilar.

Shu tashabbus ayni kunlarda amalga ko‘chib, hojilarimiz mahallalarga kirib, tinchlik va ma’naviyatni targ‘ib etmoqdalar.

Bugun, 16 iyul kuni Mirzo Ulug‘bek tumanida sayyor yig‘ilish o‘tkazildi.

Toshkent shahar bosh imom-xatibi Abduqahhor domla Yunusov olib borgan yig‘ilishda O‘zbekiston musulmonlari idorasi Toshkent shahar vakilligi mas’ul xodimlari, tumanlar bosh imom-xatiblari, ulamolar, otinoyilar hamda «Haj 2025»da hajga borgan hoji otalar va hoji onalar ishtirok etishdi.

Dastlab Toshkent shahar bosh imom-xatibi  raisliklarida tumanlar bosh imom-xatiblari, shuningdek, tajribali imom-xatiblardan iborat Ishchi guruh shakllantirildi.

Abduqahhor domla amalga oshiriladigan ishlar ko‘lami, Ishchi guruh a’zolari hamda imom-xatiblar hamkorligining muhim jihatlari xususida yig‘ilganlarga tushunchalar berdilar.

Shundan so‘ng tumandagi barcha imom-xatiblar hojilar bilan birgalikda hududdagi 20 ta mahallaga chiqib, yuzga yaqin xonadonga kirishdi.

Ajrim yoqasiga kelib qolgan bir oilaga kirilib, ularga hojilar zarur tavsiyalarni berishdi. Oila boshliqlari xato qilganlarini anglab yetdilar.

Tadbir doirasida jismoniy imkoniyati cheklangan onaxonga maxsus aravacha hadya qilindi. Onaxon ko‘zidagi quvonch yoshlari bilan shu xayrli ishlarning boshida turgan aziz insonlarni alqab, ularga minnatdorligini izhor qildi.

Ehtiyojmand bir oilaga zamonaviy televizor hamda ro‘zg‘or uchun zarur bo‘lgan oziq-ovqat mahsulotlari yetkazib berildi.

Yosh oilaga adabiy-badiiy kitoblar ulashildi.

Ko‘ngli o‘ksik insonlar holidan xabar olingani tadbirga o‘zgacha fayz bag‘ishladi.

Bugungi tadbirni o‘tkazishdan maqsad yurtimizda inson qadri, sha’ni ulug‘ ekanini, odamlarga yaxshilik ulashib yashash, yurtimizda hukm surayotgan tinchlikning qadriga yetish, o‘zaro hamjihatlikni ta’minlash, yoshlarimizni turli yot g‘oyalardan asrashda hojilarimizning xizmati beqiyos ekanini ko‘rsatmoqda.

Aslida imom-xatiblarimiz har kuni shunday xayrli ishlarni amalga oshirmoqdalar. Bugunga kelib bu ish tizimli va keng ko‘lam kasb etib, takomillashib bormoqda.

 

Tadbir ishtirokchilari yana «Mulla Qosim» jome masjidiga qaytib, amalga oshirilgan ishlarni o‘rtaga tashlab, kelgusidaig rejalarni belgilab olishdi.

* * *

Peshin namozidan so‘ng Abduqahhor domla «Mulla Qosim» jome masjidida jamoatga «Shukronalik va tinchlikning qadri» mavzusida mav’iza qilib berdilar.

 

Xayrli duolar bilan sayyor yig‘ilish o‘z nihoyasiga yetdi.

* * *

Eslatib o‘tamiz, keyingi shunday tadbir Sergeli tumanida o‘tkaziladi.

Ulashing | @MuslimShosh

Hoji – tinchlik va ma’naviyat targ‘ibotchisi Hoji – tinchlik va ma’naviyat targ‘ibotchisi Hoji – tinchlik va ma’naviyat targ‘ibotchisi Hoji – tinchlik va ma’naviyat targ‘ibotchisi Hoji – tinchlik va ma’naviyat targ‘ibotchisi Hoji – tinchlik va ma’naviyat targ‘ibotchisi Hoji – tinchlik va ma’naviyat targ‘ibotchisi Hoji – tinchlik va ma’naviyat targ‘ibotchisi Hoji – tinchlik va ma’naviyat targ‘ibotchisi Hoji – tinchlik va ma’naviyat targ‘ibotchisi Hoji – tinchlik va ma’naviyat targ‘ibotchisi Hoji – tinchlik va ma’naviyat targ‘ibotchisi Hoji – tinchlik va ma’naviyat targ‘ibotchisi Hoji – tinchlik va ma’naviyat targ‘ibotchisi
O'zbekiston yangiliklari