SAMARQANDDA EHTIYOJMAND KISHILAR UCHUN IFTORLIK DASTURXONI YOZILDI
Ramazon oyining muborak kunlarida Samarqand viloyati hokimligi, “Vaqf” xayriya jamoat fondining viloyat filiali hamkorligida viloyatning turli hududlarida istiqomat qilib kelayotgan 200 nafar kam ta’minlangan va 150 nafar nogironligi bor shaxslar uchun iftorlik dasturxoni yozildi.
Tadbirda O‘zbekiston musulmonlari idorasi raisining birinchi o‘rinbosari Homidjon domla Ishmatbekov, Samarqand viloyati bosh imom-xatibi Ahmadxon domla Alimov va Din ishlari bo‘yicha qo‘mitaning viloyat hududiy boshqarmasi xodimlari ishtirok etdi.
Tadbir yakunida “Vaqf” xayriya jamoat fondi viloyat filiali tomonidan ehtiyojmand yurtdoshlarimizga hadyalar taqdim qilindi.
O‘zbekiston musulmonlari idorasi Matbuot xizmati
Bugun Sirdaryoda imomlar o‘rtasida “Zakovat” turniri o‘tkazildi
O‘zbekiston Respublikasi davlat mustaqilligining 35 yilligi munosabati bilan Sirdaryo viloyatida faoliyat yuritayotgan imom-xatib va imom-noiblar o‘rtasida “Qur’on tinchlikka buyuradi” shiori ostida “Zakovat” intellektual musobaqasi o‘tkazildi.
Bellashuvdan ko‘zlangan asosiy maqsad — diniy soha xodimlarining ilmiy-ma’rifiy va huquqiy bilimlarini mustahkamlash, ular o‘rtasida o‘zaro hamjihatlikni yanada oshirishdan iborat.
Musobaqada shahar va tumanlardan jamlangan jamoalar Qur’oni karim, hadisi shariflar, islom tarixi, milliy qadriyatlar va mamlakatimiz qonunchiligiga oid savollar bo‘yicha o‘z bilim va tezkor fikrlash qobiliyatlarini namoyon etdilar.
Yakuniy natijalarga ko‘ra:
1-o‘rin — “Tafakkur” jamoasi
2-o‘rin — “Ittifoq” jamoasi
3-o‘rin — “Hikmat” jamoasi
G‘oliblar O‘zbekiston musulmonlari idorasi Sirdaryo viloyati vakilligining maxsus diplom va esdalik sovg‘alari bilan taqdirlandi.
Sirdaryo viloyati vakilligi
Matbuot xizmati
