Sayt test holatida ishlamoqda!
29 Iyul, 2026   |   15 Safar, 1448

Toshkent shahri
Tong
03:40
Quyosh
05:10
Peshin
12:35
Asr
17:34
Shom
19:48
Xufton
21:15
Bismillah
29 Iyul, 2026, 15 Safar, 1448

LONDONDA RAMAZON TADBIRLARI KO‘TARINKI RUHDA O‘TKAZILMOQDA

13.03.2026   21502   1 min.
LONDONDA RAMAZON TADBIRLARI KO‘TARINKI RUHDA O‘TKAZILMOQDA

Buyuk Britaniyaning London shahrida muqaddas Ramazon oyi munosabati bilan vatandoshlar ishtirokida ma’naviy-ma’rifiy tadbirlar ko‘tarinki ruhda tashkil etilmoqda.

Jumladan, London shahrining Beksley hududida Al-Xorazmiy markazi tomonidan tashkil etilgan tadbirda 80 ga yaqin vatandoshimiz ishtirok etdi. Dastlab iftorlik dasturxoni yozilib, so‘ng taroveh namozi ado etildi.

Iftorlik va taroveh namozi orasida “Islom insoniylik dinidir” mavzusida ma’naviy-ma’rifiy suhbat bo‘lib o‘tdi. Ishtirokchilarni qiziqtirgan savollarga javoblar berildi.

Shuningdek, London shahrining Janubiy Vudford hududida joylashgan Central Asia Community (Markaziy Osiyo jamoasi)da ham iftorlik tadbiri o‘tkazildi. Unda 250 nafarga yaqin vatandosh qatnashdi. Yig‘inda “Islom – tinchlik va go‘zal axloq dini” mavzusida ma’ruza qilib berildi.
Suhbat va ma’ruzalar Toshkent shahridagi “Imom Termiziy” masjidi imom-xatibi Yahyo domla Abdurahmonov tomonidan olib borilmoqda. Taroveh namozlarida Qur’oni karim xatmi ham ado etilmoqda.

Bunday ma’naviy-ma’rifiy tadbirlar xorijda istiqomat qilayotgan vatandoshlarni birlashtirib, ulardagi vatanparvarlik hissini oshirishga, o‘zaro mehr-oqibat, hamjihatlik muhitini yanada oshirishga xizmat qilmoqda.

O‘zbekiston musulmonlari idorasi 
Matbuot xizmati

LONDONDA RAMAZON TADBIRLARI KO‘TARINKI RUHDA O‘TKAZILMOQDA LONDONDA RAMAZON TADBIRLARI KO‘TARINKI RUHDA O‘TKAZILMOQDA LONDONDA RAMAZON TADBIRLARI KO‘TARINKI RUHDA O‘TKAZILMOQDA LONDONDA RAMAZON TADBIRLARI KO‘TARINKI RUHDA O‘TKAZILMOQDA
Boshqa maqolalar
Yangiliklar

Xorazmda imomlar o‘rtasida "Zakovat" va sport musobaqalari o‘tkazildi

29.07.2026   32   1 min.
Xorazmda imomlar o‘rtasida

O‘zbekiston Respublikasi Davlat mustaqilligining 35 yilligi munosabati bilan O‘zbekiston musulmonlari idorasi Xorazm viloyati vakilligi tomonidan imom-xatib va imom-noiblar o‘rtasida «Zakovat» intellektual bellashuvi hamda stol tennisi bo‘yicha sport musobaqasi tashkil etildi.


Diniy soha xodimlarining intellektual va jismoniy salohiyatini oshirish, sog‘lom turmush tarzini targ‘ib qilish va o‘zaro hamjihatlikni mustahkamlash maqsadida o‘tkazilgan tadbirlar qizg‘in bahslarga boy bo‘ldi.


Musobaqalar yakuniga ko‘ra g‘olib va sovrindorlar aniqlandi:


«Zakovat» bellashuvida:

  • 1-o‘rin — Urganch shahri jamoasi;

  • 2-o‘rin — Bog‘ot, Tuproqqal’a va Gurlan tumanlari jamoalari;

  • 3-o‘rin — Yangiariq va Shovot tumanlari jamoalari.


Stol tennisi turnirida:

  • 1-o‘rin — Jumamurodov Jumamurod (Urganch shahri «Oxun bobo» masjidi imom-noibi);

  •  2-o‘rin — Otajonov Davronjon (Qo‘shko‘pir tumani «Shayx Abdulla» masjidi imom-xatibi);

  • 3-o‘rin — Rahmatullayev Ziyovuddin (Bog‘ot tumani «Bejganik bobo» masjidi imom-noibi).

G‘olib va sovrindorlar tashkilotchilar tomonidan diplom, esdalik sovg‘alari hamda qimmatbaho tuhfalar bilan munosib rag‘batlantirildi.

Alloh taolo yurtimiz tinchligi va xalqimiz farovonligi yo‘lida xizmat qilayotgan diniy soha xodimlarining ezgu sa’y-harakatlariga muvaffaqiyatlar ato etsin. 
 

O‘zbekiston musulmonlari idorasi

Xorazm viloyati vakilligi
Matbuot xizmati

Xorazmda imomlar o‘rtasida Xorazmda imomlar o‘rtasida Xorazmda imomlar o‘rtasida Xorazmda imomlar o‘rtasida
O'zbekiston yangiliklari