Qozon shahri Islom birdamlik o'yinlariga mezbonlik qilishi mumkin
Islom birdamlik o'yinlari Qozon shahrida bo'lib o'tishi mumkin. “Biznes onlayn” xabariga ko'ra, hozir Tatariston poytaxtining bu masalaga oid arizasi tashkilotchilar tomonidan o'rganilmoqda.
Har to'rt yilda bir marta o'tkaziladigan turnirning bo'lib o'tish sanasi 2029 yilga to'g'ri kelmoqda.
Ma'lumotlarga ko'ra, Islom birdamlik o'yinlari ilk bor 2005 yilda Makka shahrida o'tkazilgan va 7000 nafar ishtirokchini jamlagan. Turli yillarda musobaqaga Indoneziya, Ozarbayjon va Turkiya mezbonlik qilgan. 2025 yilda turnirning Kamerunda o'tkazilishi rejalashtirilgan. O'yinlarda odatda 28 xil turdagi yozgi sport o'yinlari, jumladan, futbol, basketbol, suzish, badiiy gimnastika va boshqalar mavjud.
Musobaqa Islom birdamligi sport federatsiyasi tomonidan o'tkaziladi. Tashkilotning shtab-kvartirasi Saudiya Arabistonida joylashgan va uning Prezidenti podshoh Salmon bin Abdulaziz Ol-Sauddir.
Federatsiya 55 davlatni o'z ichiga olgan Islom hamkorlik tashkiloti (IHT) tarkibida faoliyat yuritadi. Eslatib o'tamiz, Rossiya IHTda kuzatuvchi davlat hisoblanadi.
O'MI Matbuot xizmati
Anjuman qatnashchilari Islom sivilizatsiyasi markaziga sayohat qilishdi
Xabar berganimizdek, 19-20 avgust kunlari Islom sivilizatsiyasi markazida O‘zbekiston musulmonlari idorasi tasarrufidagi oliy va o‘rta maxsus diniy ta’lim muassasalari professor-o‘qituvchilarining «Zamonaviy diniy ta’lim: pedagogika, ilm-ma’rifat va innovatsiya» nomli I ilmiy-amaliy anjumani bo‘lib o‘tmoqda.
Bugun, 19 avgust kuni ishtirokchilar kutib olinib, ularning Islom sivilizatsiyasi markaziga sayohati tashkil etildi. Tashrif davomida mehmonlar markazning boy ekspozitsiyalari, Qur’oni karim zali, nodir qo‘lyozmalar hamda buyuk ajdodlarimizning ilmiy merosiga bag‘ishlangan bo‘limlar bilan yaqindan tanishdi. Ayniqsa, zamonaviy multimedia loyihalari va tarixiy eksponatlar ularda chuqur taassurot qoldirdi.
Ustozlar Markazda amalga oshirilayotgan keng ko‘lamli ishlar islom ma’rifatini targ‘ib qilish hamda yosh avlodni milliy-diniy qadriyatlarga hurmat ruhida tarbiyalashda muhim ahamiyat kasb etishini e’tirof etishdi.
Shuningdek, ishtirokchilar O‘zbekiston musulmonlari idorasida ham bo‘lishdi. Hazrati Imom majmuasidagi tarixiy qadamjo va obidalarni ziyorat qilishdi.
Oqshomda Islom sivilizatsiyasi markazi binosida ma’rifiy dastur – mapping namoyish qilindi.
Mazkur tadbirlar islom sivilizatsiyasi merosini targ‘ib etish, diniy ta’lim tizimini yanada takomillashtirib, yangi bosqichga olib chiqishda salmoqli hissa bo‘lib qo‘shiladi.
O‘zbekiston musulmonlari idorasi Matbuot xizmati
- «
- »