Xiva shahriga yangi bosh imom-xatib tayinlandi
Xiva shahar "Sayd Niyoz Sholikor" jome masjidi imom noibi bo‘lib ishlab kelayotgan Bektemir Xodjayev Xiva shahar bosh imom-xatibi va ushbu masjid imom-xatibi etib tayinlandi.
Ma’lumot uchun: Bektemir Ismoilovich Xodjayev 1977 yilda Xiva tumanida tavallud topgan. 2001 yilda Toshkent islom institutini tamomlagan. O‘tgan davr mobaynida (2001–2026 yillar) O‘zbekiston musulmonlari idorasi tizimida turli mas’ul lavozimlarda samarali faoliyat yuritgan.
Alloh taolodan Bektemir Xodjayevga kelgusi xayrli ishlarida kuch-quvvat va muvaffaqiyatlar tiladi.
Xorazm viloyati vakilligi
Matbuot xizmati
Farg‘onada yana bir og‘ir bemorning holidan xabar olindi
«Vaqf» xayriya jamoat fondi Farg‘ona viloyati filialining fidoyi xodimlari va volontyorlari tomonidan saxovatpesha xalqimiz tomonidan qilingan xayr-ehsonlar ezgu maqsadlar yo‘lida sarflanmoqda.
Navbatdagi xayriya tadbiri doirasida Uchko‘prik tumanida yashovchi, jigar sirrozi kasalligiga chalingan og‘ir bemor Kazakov Ilyosjon Yoqubovichning holidan xabar olinib, unga jarrohlik amaliyoti xarajatlari uchun 132 million 500 ming so‘m miqdorida xayriya mablag‘i, oziq-ovqat mahsulotlari jamlanmasi, Mus'haf va boshqa ehsonlar topshirildi.
Bugun bemorlar va ehtiyojmand insonlarga ko‘rsatilayotgan bunday ko‘mak — xalqimizning mehr-oqibati, saxovati va hamjihatligining yorqin ifodasidir.
O‘zbekiston musulmonlari idorasi Matbuot xizmati