Kasallikni davolashning yo‘llaridan biri
Imom Abu Bakr al-Xabboziy rahimahulloh aytganlar: «Men qattiq kasal bo‘lib qoldim. Solih bir qo‘shnim meni ko‘rgani kelib, bunday dedi: Rasululloh sollallohu alayhi vasallamning sunnatlariga amalga qiling, u zot sollallohu alayhi vasallam: “Kasallaringizni sadaqa bilan davolanglar”, deganlar.
O‘sha payt yoz fasli edi. Men ko‘p miqdorda tarvuz sotib oldim. Kambag‘allar va bolalarni yig‘ib, ularni tarvuz bilan mehmon qildim. Ular tarvuzni yeb bo‘lgach, qo‘llarini ko‘tarib, Allohdan menga shifo so‘rab duo qildilar.
Allohga qasamki, ertalab men Alloh taoloning inoyati bilan sog‘ayib uyg‘ondim».
(Shamsiddin Zahabiy. “Siyar a’lomun-nubala”. 44/18).
Homidjon domla ISHMATBЕKOV
Tarixiy anjumanga yakuniy tayyorgarliklar
O‘zbekiston musulmonlari idorasi tashabbusi bilan ilk bor tashkil etilayotgan «Zamonaviy diniy ta’lim: pedagogika, ilm-ma’rifat va innovatsiya» mavzusidagi I ilmiy-amaliy anjuman boshlanishi arafasida.
Mazkur ilmiy-amaliy anjuman Islom sivilizatsiyasi markazining Katta majlislar zalida bo‘lib o‘tadi. Ayni paytda ushbu zal anjumanni yuqori saviyada o‘tkazish uchun zarur sharoitlar yaratilgan holda to‘liq shay holatga keltirildi.
O‘zbekiston musulmonlari idorasi Matbuot xizmati
