#E’tirof 

Mehnat va sadoqat qadr topayotgan yurtimizda inson qadrini ulug‘lash, nuroniylar hamda jamiyat taraqqiyotiga munosib hissa qo‘shgan fidoyi insonlarga ehtirom ko‘rsatish ezgu an’anaga aylandi.


Ana shu yuksak e’tiborning amaliy ifodasi sifatida 2026 yilgi muborak Haj safari uchun Buxoro viloyatidan 7 nafar yurtdoshimiz “Prezident hojisi” maqomiga sazovor bo‘ldi.


Tantanali tadbirda yo‘llanmalar Buxoro viloyati hokimi o‘rinbosari Azizbek Qalandarov va viloyat bosh imom-xatibi Jobir domla Elov tomonidan o‘z egalariga topshirildi.


Ta’kidlanganidek, mazkur yuksak e’tirof — yurt ravnaqi, xalq farovonligi va jamiyat taraqqiyoti yo‘lidagi ko‘p yillik halol hamda fidokorona mehnatga berilgan munosib bahodir.


Tadbirda bo‘lajak hojilardan muqaddas zaminlarda mamlakatimiz tinchligi, xalqimiz farovonligi va yurtimiz taraqqiyoti uchun xayrli duolar qilish so‘raldi. 

O‘zbekiston musulmonlari idorasi 

Buxoro viloyati vakilligi

Matbuot xizmati