Iymonli chodir tug‘yonli qasrdan yaxshidir
Garchi hasadgo‘ylarim qilsam ham men malomat,
Rad etmasman ekanligim ularga uqubat.
Chodirda yashasada muslima bo‘lgan, Robbisiga ibodat qiladigan va besh vaqt namozini o‘qib, ro‘zasini tutadigan ayol baland qasrlar va ko‘plab xizmatkorlar orasida yashaydigan ayoldan baxtliroqdir. Mo‘mina bo‘lib oddiy uyda, faqatgina arpa noni va bir xo‘plam suvi hamda u bilan Qur’oni va tasbehi bo‘lgan ayol marmar uylaru baxmal ko‘rpalar orasida Robbisini tanimaydigan, Mavlosini eslamaydigan va Payg‘ambariga ergashmaydigan ayoldan baxtliroq yashaydi. Shunday ekan, siz baxtning haqiqiy ma’nosini anglang. U ko‘pchilik tor doirada tushungani kabi boyliklar, kiyimlaru taomlarda emas.
Haqiqiy baxt-saodat bu qalb roziligi, ko‘ngil rohati, nafs hotirjamligi, ruh shodligi, xulq-atvor to‘g‘riligi va qanoatdir.
Shu’la: Musulmonga aziyat bergan yoki bandaga zulm qilgan inson qanday xotirjam bo‘lsin?!
YUNЕSKO bilan O‘zbekiston mahalla tizimi tajribasini xalqaro darajada targ‘ib qilish masalasi muhokama qilindi
O‘zbekiston va YUNЕSKOning Nomoddiy madaniy merosni muhofaza qilish to‘g‘risidagi konvensiyasi kotibiyati vakillari o‘rtasida onlayn uchrashuv bo‘lib o‘tdi, deb xabar bermoqda “Dunyo” AA.
Mamlakatimizning YUNЕSKO huzuridagi Doimiy vakolatxonasi ko‘magida tashkil etilgan muloqotda mahalla bilan bog‘liq madaniy an’ana va urf-odatlar, ularni xalqaro darajada targ‘ib qilish istiqbollari muhokama qilindi.
YUNЕSKOning Nomoddiy madaniy merosni muhofaza qilish to‘g‘risidagi konvensiyasi kotibi Fumiko Oxinata va Osiyo-Tinch okeani mintaqasi uchun mas’ul dastur mutaxassisi Nikolas Tan mavzu yuzasidan o‘z fikr-mulohazalarini bayon etdi.
O‘zbekiston tomonidan Tashqi ishlar vazirligi, O‘zbekiston mahallalari uyushmasi hamda YUNЕSKO huzuridagi Doimiy vakolatxonasi vakillari mahallaning ko‘p asrlik tarixi, uning jamiyat hayotidagi alohida o‘rni va milliy an’analarni saqlashdagi ahamiyati haqida so‘z yuritdi.
Uchrashuvda mahalla O‘zbekiston xalqi turmush tarzining ajralmas qismi ekani ta’kidlandi. U insonlarni yaxshi qo‘shnichilik, o‘zaro yordam, hamjihatlik va katta avlod vakillariga hurmat tamoyillari asosida birlashtiradi.
YUNЕSKO Kotibiyati vakillari taqdim etilgan materiallarga katta qiziqish bildirdi. Ular O‘zbekistonda mahalla bilan bog‘liq shakllangan jamoat hayoti tartibining o‘ziga xos xususiyatlarini e’tirof etdi.
Suhbat davomida O‘zbekistonning nomoddiy madaniy merosni targ‘ib qilishdagi roli alohida qayd etildi. Shu nuqtayi nazardan, o‘zbek mahalla tizimi tajribasi YUNЕSKO Kotibiyati mutaxassislarida katta qiziqish uyg‘otdi.
O‘zbekiston musulmonlari idorasi Matbuot xizmati
