Musobaqaning yarim final kurashchilari aniqlandi
Bugun, 21 aprel kuni kurash musobaqasining respublika bosqichining nim chorak va chorak final bellashuvlari bo‘lib o‘tdi. O‘zbekiston musulmonlari idorasi rahbariyati va Din ishlari bo‘yicha qo‘mita mas’ul xodimlari, viloyat hokimligi mutassadilari, O‘zbekiston kurash federatsiyasi vakillari ishtirokida boshlangan tadbir qizg‘in va murosasiz bahslarga boy bo‘ldi.
Musobaqa avvalida tabarruk yoshdagi Hamroqul hoji va Nazarohun hoji otalar ishtirokidagi ko‘rgazmali kurash bo‘lib o‘tdi.
Shundan so‘ng maxsus elektron dastur orqali aniqlangan qur’a natijalariga ko‘ra jami 60 nafar polvon saralash bellashuvlarga kirishdi.
Mazkur musobaqada quyidagi kurashchilar yarim final ishtirokchisiga aylandi:
35 yoshgacha va 80 kggacha:
Usmonjon domla Karimberdiyev (Jizzax)
Himoyiddin domla Qurbonov (Surxondaryo)
Mirodiljon domla G‘aniyev (Andijon)
Foziljon domla Ablazov (Qashqadaryo)
35 yoshgacha va 80 kgdan yuqori:
Rasul domla Xudoyberganov (Qoraqalpog‘iston R.)
Choriyor Qayumov (Diniy idora xodimi)
Humoyun domla Saydullayev (Toshkent viloyati)
Hoshimjon domla Otajonov (Xorazm)
50 yoshgacha va 90 kggacha:
Islomjon domla Xidirov (Samarqand)
Olimjon domla Oripov (Buxoro)
Isomiddin domla Shayniyozov (Namangan)
Mansur domla Karomatov (Qashqadaryo)
50 yoshgacha va 90 kgdan yuqori:
Nurulloh domla Boltayev (Buxoro)
Muhammadmubin domla Ro‘ziboyev (Toshkent shahar)
Yahyo domla Ochilov (Surxondaryo)
Sherzod domla Tursunov (Navoiy)
Musobaqa tafsilotlarini kanalimizda kuzatib boring.
O‘zbekiston musulmonlari idorasi
Matbuot xizmati
Registon maydonini Imom al-Moturidiy maqbarasi bilan bog‘laydigan ko‘cha rekonstruksiya qilinmoqda
Samarqandning tarixiy qismida turizm infratuzilmasini keng ko‘lamli yangilash ishlari davom etmoqda. Amalga oshirilayotgan loyihalarning asosiy maqsadi xorijiy sayyohlarning qolish muddatini uzaytirish, qulay shahar muhitini yaratish va bir vaqtning o‘zida mahalliy aholining hayot sifatini oshirishdan iborat.
“Samarkandskiy vestnik” nashriga ko‘ra, turizmni rivojlantirish dasturi doirasida eski shaharning 13 ta ko‘chasi bosqichma-bosqich zamonaviy piyodalar yo‘lagiga aylantirilmoqda. Bu yerda yangi xizmat ko‘rsatish obyektlari barpo etilmoqda, jamoat joylari obodonlashtirilmoqda, milliy me’morchilik an’analarini saqlab qolgan holda muhandislik kommunikatsiyalari va bino fasadlari yangilanmoqda.
Eng yirik loyihalardan biri Registon maydonini Imom al-Moturidiy maqbarasi bilan bog‘laydigan Buxoro ko‘chasini rekonstruksiya qilish bo‘ldi. Ko‘chaning 850 metr qismi to‘liq piyodalar hududiga aylantiriladi. Loyihani ishlab chiquvchilardan biri, Samarqand davlat texnika universiteti o‘qituvchisi Jasur Berdiqulovning ta’kidlashicha, ilgari bu yerda qatnov qismining torligi tufayli muntazam ravishda tirbandliklar yuzaga kelgan, qulay piyodalar yo‘laklarining yo‘qligi esa piyodalar uchun jiddiy noqulayliklar tug‘dirgan. Ishlar yakunlangach, ko‘cha xavfsiz jamoat maydoniga aylanadi. Aholi uchun alohida to‘xtash joyi ajratilgan bo‘lib, transport vositalarining kirishiga faqat zarurat tug‘ilganda maxsus xizmatlarga ruxsat beriladi. Shu bilan birga, suv, gaz, elektr va boshqa muhandislik tarmoqlari to‘liq modernizatsiya qilinmoqda.
Oltin asr mahallasida joylashgan Bag‘dod ko‘chasida ham ishlar davom etmoqda. Bu yerda 600 metrlik hudud obodonlashtirilmoqda. Loyiha doirasida zamonaviy turizm va xizmat ko‘rsatish infratuzilmasini yaratish, kichik biznes va xizmat ko‘rsatish sohasini rivojlantirish ko‘zda tutilgan.
O‘zbekiston musulmonlari idorasi Matbuot xizmati