Talabalar o‘rtasidagi musobaqa g‘oliblari aniqlandi
Shu yil 23-24 aprel kunlari Samarqanddagi Hadis ilmi maktabida diniy ta’lim muassasalari talabalari o‘rtasida “Barkamol avlod – 2026” sport musobaqasining respublika bosqichi o‘tkazildi.
Musobaqa avvalida O‘zbekiston Respublikasi Davlat madhiyasi yangraganidan so‘ng ko‘rgazmali chiqishlar qilindi.
Tadbirda O‘zbekiston musulmonlari idorasi raisi, muftiy Shayx Nuriddin Xoliqnazar hazratlarining musobaqa ishtirokchilariga yo‘llagan tabrigi o‘qib eshittirildi.
Shundan so‘ng sport musobaqasining final uchrashuvlari boshlandi. Ushbu jarayonni tajribali hakamlar hay’ati baholab bordi.
Yakuniy natijalarga ko‘ra, quyidagilar g‘oliblikni qo‘lga kiritdi:
Shaxmat
Talaba yigitlar o‘rtasida:
1-o‘rin Toshkent islom instituti talabasi Fazliddin Shamiyevga;
2-o‘rin "Mir Arab" o‘rta maxsus islom ta’lim muassasasi talabasi Asrorbek Turdaliyevga;
3-o‘rin "Sayyid Muhyiddin Maxdum" madrasasi talabasi Rahmonjon Rasulovga nasib etdi.
Ayol-qiz talabalar o‘rtasida:
1-o‘rinni “Jo‘ybori Kalon” madrasasi talabasi Roziyaxon Zokirova;
2-o‘rinni “Xadichai Kubro” madrasasi talabasi Hamidaxon Jamoliddinova;
3-o‘rinni Toshkent islom instituti talabasi Nodiraxon Murotova egalladi.
Stol tennisi
Talaba yigitlar o‘rtasida:
1-o‘ringa “Faxriddin ar-Roziy” madrasasi talabasi Murodjon Rayimjonov;
2-o‘ringa Toshkent islom instituti talabasi Abdulhay Abdimutalov;
3-o‘ringa "Mir Arab" o‘rta maxsus islom ta’lim muassasi talabasi Abdurahmon Abdujabborov sazovor bo‘ldi.
Ayol-qiz talabalar o‘rtasida:
1-o‘rin "Mir Arab" oliy madrasasi talabasi E’zoza Asliddinova;
2-o‘rin “Xadichai Kubro” madrasasi talabasi Dildoraxon Boltaboyeva;
3-o‘rin “Jo‘ybori Kalon” madrasasi talabasi Nodira Qodirboyevaga nasib etdi.
Tosh ko‘tarish
Talaba yigitlar o‘rtasida:
1-o‘rinni "Mir Arab" o‘rta maxsus islom ta’lim muassasi talabasi Musulmon Ravzatulloh;
2-o‘rinni "Mir Arab" oliy madrasasi talabasi Alisher Umarov;
3-o‘rinni “Faxriddin ar-Roziy” madrasasi talabasi Zikrullo Sag‘dullayev qo‘lga kiritdi.
Milliy kurash
Talaba yigitlar o‘rtasida:
1-o‘rinni "Mir Arab" o‘rta maxsus islom ta’lim muassasi talabasi Muhammadabrorxon Yunusxonov;
2-o‘rinni “Xoja Buxoriy” madrasasi talabasi Yasin Ablazov;
3-o‘rinni “Ko‘kaldosh” madrasasi talabasi Husan Mirzayev egalladi.
Jamoalar o‘rtasida esa yakuniy natijalar quyidagicha bo‘ldi:
1-o‘rin “Mir Arab” o‘rta maxsus islom ta’lim muassasasi jamoasiga;
2-o‘rin Toshkent islom instituti jamoasiga;
3-o‘rin “Imom Faxriddin ar-Roziy” madrasasi jamoasiga nasib etdi.
G‘oliblarga quyidagi mukofotlar topshirildi:
Jamoalar bo‘yicha sovrinlar:
1-o‘ringa I-darajali kubok, zamonaviy smart doska;
2-o‘ringa II-darajali kubok, muzlatgich;
3-o‘ringa III-darajali kubok, kir yuvish mashinasi taqdim etildi.
Yakkalik bellashuvlar g‘oliblari uchun:
1-o‘ringa birinchi darajali diplom va noutbuk;
2-o‘ringa ikkinchi darajali diplom, televizor;
3-o‘ringa uchinchi darajali diplom va sharbat chiqargich berildi.
G‘oliblarga zafar va mukofotlar muborak bo‘lsin!
Eslatib o‘tamiz, mazkur sport musobaqasi O‘zbekiston musulmonlari idorasi tomonidan har ikki yilda bir marta o‘tkaziladi.
O‘zbekiston musulmonlari idorasi
Matbuot xizmati
"Shavkat Mirziyoyev O‘zbekistonni butunlay o‘zgartirdi" — Ilhom Aliyev
Ozarbayjon Prezidenti Ilhom Aliyev O‘zbekistonning so‘nggi yillardagi taraqqiyoti va Prezident Shavkat Mirziyoyev rahbarligida mamlakatda amalga oshirilgan o‘zgarishlarga yuqori baho berdi.
U Shavkat Mirziyoyev O‘zbekiston rahbarligiga kelgan davrdagi vaziyat bilan bugungi holat o‘rtasida katta farq borligini ta’kidladi.
"Shavkat Miromonovich O‘zbekistonga rahbarlik qilishni boshlaganida vaziyat butunlay boshqacha edi. Buni O‘zbekiston fuqarolari ham, biz ham juda yaxshi bilamiz. Shu sababli u mamlakatni rivojlanish yo‘liga qo‘yish hamda davlatning iqtisodiy jihatlarini noldan shakllantirish uchun katta kuch bilan ishlashiga to‘g‘ri keldi", — dedi Ilhom Aliyev.
Ozarbayjon rahbari sanoat va qishloq xo‘jaligini rivojlantirish, xorijiy investitsiyalarni jalb qilish borasidagi ishlarga ham to‘xtaldi.
"Bugun biz butunlay boshqacha O‘zbekistonni ko‘rib turibmiz — jahon hamjamiyatining juda hurmatga sazovor a’zosiga aylangan O‘zbekistonni. Sanoatni rivojlantirish, qishloq xo‘jaligi, energetika, transport infratuzilmasi bilan bog‘liq masalalar juda tezkor va samarali hal etilmoqda", — dedi u.
Ilhom Aliyevning so‘zlariga ko‘ra, O‘zbekistonda amalga oshirilgan ishlar va islohotlar ikki davlat o‘rtasidagi hamkorlik loyihalari uchun ham muhim zamin yaratgan.
"Shavkat Mirziyoyev va uning jamoasi tomonidan O‘zbekiston uchun qilingan ishlar va bu islohotlar bo‘lmaganida, birorta ham hamkorlik loyihasini amalga oshirishning imkoni bo‘lmasdi", — dedi Ozarbayjon Prezidenti.
Shuningdek, u Shavkat Mirziyoyev O‘zbekiston rahbarligiga kelguniga qadar ikki mamlakat o‘rtasida birorta ham qo‘shma loyiha bo‘lmaganini ta’kidladi.
Ayni paytda tomonlar o‘zaro tovar aylanmasini 1 milliard dollarga yetkazishni maqsad qilgan. Ilhom Aliyev bu ko‘rsatkichni uzoq muddatli orzu emas, balki yaqin ikki yilda amalga oshadigan natija sifatida baholadi.
"Bugun biz 1 milliardlik tovar aylanmasi haqida gaplashyapmiz. Bu qandaydir uzoq muddatli orzu emas, yaqin ikki yilda amalga oshadigan ishdir", — dedi u.
Ozarbayjon rahbari ikki tomon iqtisodiyoti ehtiyoj sezayotgan sohalardagi investitsiya loyihalari va o‘zaro sarmoyalar ham muhokama qilinganini qayd etib, bunday hamkorlik ikki davlatning parallel ravishda rivojlanishi natijasida yuzaga kelganini qayd etdi.