Rizq ajal yetguncha keladi
Rizq va ajal bir-biriga yaqin. Banda ajali yetmagunicha rizqi to‘xtovsiz kelib turadi. Agar Alloh O‘z hikmatiga ko‘ra rizq eshiklaridan birini berkitsa, bilingki, siz uchun undan ham foydaliroq boshqa yo‘lni ochgan bo‘ladi.
Davron NURMUHAMMAD
Qashqadaryoda 100 nafar o‘quvchiga maktab qurollari sovg‘a qilindi
Yangi o‘quv yili va mustaqilligimizning 35 yilligi arafasida Qashqadaryo viloyatida yana bir xayrli tashabbus amalga oshirildi.
O‘zbekiston musulmonlari idorasi viloyat vakilligi va saxovatpesha yurtdoshlarimiz hamkorligida Qarshi shahridagi 100 nafar ehtiyojmand oila farzandiga yangi o‘quv qurollari to‘plamlari beg‘araz topshirildi.
Qo‘lida yangi portfel va kitob-daftar tutgan jajji o‘quvchilarning yuzidagi samimiy tabassum va quvonch bu ezgu ishning naqadar qadrli ekanini ko‘rsatdi. Zero, ilm istagan qalbga qanot bo‘lish — eng ulug‘ savoblardandir.
Tadbir yakunida xayriyada hissa qo‘shgan barcha saxovatpesha insonlar haqiga duolar qilindi.
O‘zbekiston musulmonlari idorasi
Matbuot xizmati
